Pü Füphrao Tüsüfü
Elihu mülü füphra ce krükrü zo. Pu makre, türü, mu tüküprüh Jihova khasülü süo khajüsü thiyi po süyo, kemejo khapü mori kede khapü tsüsü, mu Job tüyo pa süyi ho me sala süyo. Ngudu da die rünyiyite, pu poti, kemhü kezhopü ta vori küba.
37 1Hio celü ri a mülü krükrü die, pübelü lüno khipra zo. 2Pü füphra tüsüfü ce, Pü mi lüno küprari tüsüfü ce münu rünyiyite. 3Tüyo metü züde khalü Pue süo khri süzo, mu Pü tüküprüh cejü kü dako celü süzo. 4Pü thezholü füphra kerüfüzo; Pue Pü zapozale füphra thi tüsüfü prari die, Pue tüküprüh süo khajüsü thiyimo, Pü füphra rünyi lize. 5Jihovae Pü füphra thi malhü thi tüsüfü prarita; ha zapü kemo mhakezho Pue süzo. 6Kekrelamori Pü makre ce poti, “Cejülü tsüte,” mu türü ce, “Türü kekuo thi süte.” 7Pue thüma metü ube mohor vüsü, Pü süpü thüma metüe Pü mhatho seyi keto thisü. a a v7 'Ube mohor vüsü' zipü hihi Hebrewmi jü kemetao zo: Jihova türü-rephüe thüma mhatho metü thitsoyi süzo, side thümako thitsoyi die Pü süthino petüsü seyi keto thisü. 8Süsa khonuko u cenelü lü die, u krolü ba zo. 9Pü ki lüno tükhra rephü vori die, tapre tükhrako celü meko vorizo. 10Jihova kerhü thi jü ketao, mu jü kekalü keta thive zo. 11Pue kemhü kezhopü jü thi dasüzo; kemhü Pü tüküprüh pa süzo. 12Pü mejü thi uko küdü reta die, Pue uce khasü mhametü thümako keba cejü süolü süyi keto zo. 13Süla kemejo khapü, mori Pü kede khapü, mori jükho kekhrü khapü, Pue süo thiyi süzo.
14“Job, hio rünyiyite; ngudu da die Jihova ungo mhathoko petü seyite. 15Jihovae uco Pü khasü dipü mi süthi, mu Pü kemhü tüküprüh dipü mi reprü süthi, no seyo tome? 16Kemhü dipü mi bala die khrikhro süthi, sekemolü vezhosü kesüo ungo mhathoko, no seyo tome? 17No khüne lüri küyi no, mekhroco tükhra voriti cejü tsüdü ba lize, 18No Pü mu tüyo retu phe khriya tome, meta keyi khriva bi keta thive kesüo?
19“Pu ce ha dipü poyi süthi hako metha hite; zü ketala ha jü poyi mha khriyamo. 20I poyi menü zisü Pü ce posü keto tome? Thüma mi pü mehü khriva keto meride tome? 21Tsühi tüyolü meto mhava vekrü ba lize, thüma mi süo peyi khriya mo, tükhra püthüvo die tüyo kemesa sü thezholü. 22Mesoco celü suna zapozale vorizo; mpe keba keku Jihova süolü bazo. 23Kepfüthoo—ha Pu ce laco khriya mo; Pu keku thi kezho zo, vele kemezi mu mezi kekro thi Pue mezi kemo sümo. 24Süna thümako Pu ce mpe zo; u themhülü utho sekemo thi kelepü thümako Pue petü thimo.”
