Poo-e Pü Se Süto

John thülü küde dzülu zhopo thi, mu thüma mikerikenae püce fü, hako süsa dibi thiyi ta zisü: bola kena küveo bola kemoo ce tsüte, kemeda pü mejohite, mikehikemu thihite. Pü Herod phoma po, süo lano thejücelü tüsü. Jisu thüma metü züh baptaiz thi, mu Pü Poe Pu akekhrü Nuo ce tsü.

Ha Po verse hilü po ba 22

Kezhü 3.

Tiberias Caesar kede tütse keri pühngu-o lü, Pontius Pilate Judea kezhoo thi, Herod Galilee küdeo thi, pü sazüo Philip Ituraea mu Trachonitis rünalü, mu Lysanias Abilene lü küdeo thita, Anna mu Caiphas thevo kezhoo thi küyice, ha Po jü mipü nhalü Zecharia nu John ce vorita. Pü Jordan rüna metülü vota, kephoma khipü ketola thülü küde dzülu zhopo thita, sajukepo Isaiah jü lesilü thopü kemela bi die: “Mipü nhalü mipü püza se die: Niepoo sho süsühyite, Pu shopriko thi kümüziyite. Tizhepü metü chuyi püto, mu cejüthu mu cejütu metü mütümügü thiyito. Chode kürüzho kemezi thiyito, mu chode kerüko jüpode thiyito, mu thüma metüe ha Po rhakeyi-o ngoyito.”

Süsa John pü celü dzülu khayi vori küba thüma kekro ce poti: “Neko nyhibü shühyeko! Sopüe neko ce vori küzü lükhuo celü thüra yite no die posü?” zita. Süla thülü küde ce meveyi u se jiyi. “Ha po Abraham zo” zi die neko tho ce po tahite. Kekrelamori I neko ce poti, ha Poe hio ketsüko celü Abraham nuneko thi süyito. Tsüri sühdorü-o sühbo phe lü bazo; u se küve zhiyi kemo sühbo kehopüri-o khü ve va die me-o melü süvato.

Süsa thüma kekro püce füfü, “Hako süsa dibi thiyi ta?” zita.

Pü fü kela kesü, “Kehopüri khümüne kena küveo, küve kemoo ce tsü vate; kehopüri mhati küveo, süosü thiyite.” zita.

Khazhonu rayimiko sheri dzülu khayi vori, mu püce poti, “Kemetha, hako dibi thiyi ta?” zita.

Pü ukoce poti, “Neko ce thopü kemela ce veku khayi tahite.” zita.

Sipai miko sheri püce füfü, “Mu hako—hako dibi thiyi ta?” zita. Pü ukoce poti, “Keku thi mu kedoketsü lü thüma celü mha khiyi tahite; neko mezi ce meguyite.” zita.

Thümako fü meri tayo, John pütho Khrista zo mori zide uko metüe uko mülü seyi tayo. John uko metü ce po kela kesü, “I-e dzü lüno neko dzülu pü. Vele I ce veku keku küsüo vori balezi—I Pu pheku rhiri phrüyi meveyi kemo. Pue Kemesa Rüpü mu me lüno neko dzülu püto. Pu lhahüri Pu belü ba, Pu lhahü-o rükhrü süto, atalha Pu kümüsa tolü künguyito, eli sabühko külho melü müto vato.” zita.

Süla John jü kekrekre metü lü thümako ce mülü keku po die jüyikeve zhopo thita. Vele John-e Herod küdeo-o, pü sazüo cemi Herodia la, mu Herod-e mha kemeso metü thipü la yisü, Herod-e hio metü sa hio sheri thita: pü John khapü küdücelü süta.

Poo-e Pü Nuo Khrüthoo zi die Küpo

Thüma metü dzülu khayi küyice, Jisu sheri dzülu khayita. Pu prayi tice, tüko khrita,

mu Kemesa Rüpüo uphothi tilü mükhro bi die Puyo kiri bayita. Sücesü tüyo mhakhü püh vori die po küti: “No sü a Nu a khrüthoo zo; I N ngo a künüthoo zo.” zita.

Jisu Pu thino dipü tüce tütse thiri la thita, thümakoe seyi tao die Pu Joseph nu, Heli nu, Matthat nu, Levi nu, Melchi nu, Jannai nu, Joseph nu, Mattathias nu, Amos nu, Nahum nu, Esli nu, Naggai nu, Maath nu, Mattathias nu, Semein nu, Josech nu, Joda nu, Joanan nu, Rhesa nu, Zerubabel nu, Salethel nu, Neri nu, Melchi nu, Addi nu, Cosam nu, Elmadam nu, Er nu, Joshua nu, Eliezer nu, Jorim nu, Matthat nu, mu Levi nu, Simeon nu, Judah nu, Joseph nu, Jonam nu, Eliakim nu, Melea nu, Menna nu, Mattatha nu, Nathan nu, David nu, Jesse nu, Obed nu, Boaz nu, Salmon nu, Nahshon nu, Aminadab nu, Admin nu, Aram nu, Hezron nu, Perez nu, Judah nu, Jacob nu, Isaac nu, Abraham nu, Terah nu, Nahor nu, Serug nu, Reu nu, Peleg nu, Eber nu, Shelah nu, Cain nu, Arphaxad nu, Shemo nu, Noah nu, Lamech nu, Methuselah nu, Enoch nu, Jared nu, Mahalalel nu, Cain nu, Enosh nu, Seth nu, Adam nu, ha Po nu.