Cho Kena, Taceto Kena
Ha Po thümako kecho lesida mu tsale lesida—Chele krapü mu hepüngu, zapozale küthi, kra, ngokemezhe po, mu kemeri, thüma melü tüso tüzü medi metü sheri, ha Po mhüjülü kemesa de prüo.
1 1Mha kesu kethiko thükalü tamo, kephomako dolü tasü yomo, mu krünyü kropü balü bamo thüma thejo kepütho zo, 2Vele ha Po thezho pü künüo zo, mu pü thezhoo tüso tüzü medita. 3Pü dzü pra kolü shupü sübo bi zo, sütüce pü use jiyiyo, mu pü unyi rügwi tamo— mu pü mhakehopü thiyo sheri pra meve.
4Mha kesu kethiko süzo mo! Puko tükhrae hüra keva sibüko bi zo. 5Süla mha kesu kethiko shecolü tasü yomo, mori kephomako kemeziko kehulü tasü yomo. 6Kekrelamori ha Poe kemeziko choo khüyo, vele mha kesu kethiko choo shütaho.
