A Celü Melü Kethozo
David chele.
Kedepü mipü püthüko samüdzi süo menü. Pue mevekümo thino amhü mhüjülü thiyo mo, sühzanu kesu kepo ketami kemekre thi, kemelü kene miko hani küphu de kemeda po ketami pü nade süolü hü yimo mho jükha, mu küshü metsüh mhakesu kethiko nade celü khi kre züh müzhe.
101 1Kekhrü mu kemezi la I tsale thito; Apo, noce I tsale thi süto. 2Mathoyi küba choko I samüdzi süo menü thito. Dipütüce noe ace vorito? I a celü melü kethozo lü tato. 3Amhü mhüjülü mevekümo thino I thiyo mote. A yo jota kemoko mhatho I ngo metsü to; süo acelü ani yimo to. 4Melü lükümo-o acelü tato; I mhakesu nothi seyimo to. 5Thüma kehopüri kemekhrülü pü sühzanu kesu kepo ketao, süo I kemekre thito; mhü kemeha mu melü kerekrü ketao I sügüsühe yimo to. 6Amhü cejü kemelü kene mikoce ba, uko aceco hü yi ketola; mathoyi choko lü ketami süe ace choyi thi to. 7Kejo thi ketami mipüri a celü hü yimo to; kemeda po ketami mipüri amhü mhüjülü tha metü yimo to. 8Küshü metsüh cejü kürüzü miko metü I kemekre thito, ha Po nade süolüno mhakesu kethi ketami metü khi kre züh tato.
