Sopü Pu mhüjülü bayi veta?
David chele.
Reshü kharülü seyi ngokemetsü—sopü ha Po kemesa cejütuyo hüyi veta—thüma metü mhatholü lakesü: kemezi jü thi, sühzanumi methi, melülü kethoo kepo, reshu thipü pü la kemethu tato sheri vori regü, mu presa kepra mo. Sümi thüma mhapüri thathi taho.
15 1Apo, sopü n reshücelü hüyi veta? Sopü n kemesa cejütuyo hüyi veta? 2Thüma kehopüri sürhü sürho tilü chota keo, kemezi thi keo, pü melülü kethoo po keo. 3Pü pü seli kesu pomo, pü sühzanumi methi yomo, pü züo kemetsu pomo. 4Pü mhakesu thüma metsü, vele ha Po khri keprümiko rhoyo; pü reshu thipü bayo, mhace pü la kemethu tato zori, vori regü yomo. 5Pü pü presa pralü tsümo, mu kekri mozo thüma mütsu mha tamo. Thüma kehopüri hiko thi keo mhapüri thathi taho.
