I Krü Süte
David suna chele.
Davidoe pü Po lano mha keve mipüri bamo zisü po, mu kemesa kezho miko za reshü rüsü vamo. Pü kezapü keve kebalü prüta, pü ube uzalü zapozale zisü po, mu pü kerhü meka ace sheyi mota zisü melü. Pho kebara pü kerhüro tüsonha metü kenü lü vo.
16 1A Po, kekrelamori i nolü rezhüyi leta, i krü süte.
2I a Po ce poti die, No a Niepoo Po zo; no sa mode, a mha keve bamo. 3Cejülü keba kemesako, puko la i anü metü ngopü kezho miko zo. 4Jihova lesio meji ketako kemeshi thimekro süto; uko za reshü i rüsü vaho, mori uko za a mülü i po vaho.
5A Po a chosü sheri mu a tehe zo; noe a heve hesu krü thizo. 6Keve kebalü a kezapü cejü prüta; süosü i kalü küve züba.
7A ce jüpo a Po i kethezü süto; tüzülü sheri a melü ace ngometsü. 8I a Po pütü metülü a mhüjülü züba; kekrelamori Pu a ube uzalü keba, i redeva mote.
9Süla a melü nü bate mu a rüpü metü rechü tazo; a pho sheri krü rhü bato. 10Kekrelamori no a khrio mezace sü khavaho; mori n kemesao no kesa ngoyi süo khasümote. a a v10 Pentecost tüsozholü Peter-e (Acts 2:25-28) mu Paul-e (Acts 13:35) jü hiko Jisu lü thisüta — David ha Po lü melütüo Nuo kesacelü merhü ketala vorita, pü phoo kekalü ngo kemola. 11No kerhü meka ace sheyi süto; n kebara anü chupü ba, mu n ube uzalü pünü zapozale ba.
