Whuva, Mesa Keripü
David la. Mhase chele.
David sileo pü lü dipü süo süve posüto — aroko panyi, pü mütü tüna tülü bi tüna süve — mu kephoma pophrao jü kekre lü thelasü. Süsa pü mizü süce vo: mula khapü ngoyi kezho bi tahite; ha Po ngoyi kebatüce vorite.
32 1Thüma somi pü kebü vava, pü kephoma whuva sheri, pü thejo kepütho! a a v1 Paul-e chele hio mu püsaniko ha Po mhüjülü kemezi thi kesülü umelü keba hi tazo tila jüpoti — u mhatho thipüla lebimo, küjo keva u ce zhokhro bi khasüzo (Romans 4:7-8). 2Thüma somi ha Poe pü kejo zimo, mu pü rüpülü kecürü kesu bamo, pü thejo kepütho!
3I sileo kebatüce, atüso metülü panyo kebala aroko kemethu thita. 4Kekrelamori tüso mu tüzü n be a pilü kümüshi bata; a mütü tülü tüna bi memaita.
5Süsa I a kephomako noce pophra, mu a kejo whu vamo; I poti, “A kebüko ha Poce pophrasüto”—süla noe a kephoma kejo vasüte.
6Therü thüma kehopüri jütho keba, no ngoyi kebatüce noce kecho thi bate; thiketi jü kekro pari tice, süo püce prari saho. 7No a kevapü mhu zo; noe kebü celü a khrüto; kelayi füphra meto lü a hu püto.
8I n müthayi mu n vo kezho shelilü n mütha; a mhü n pilü keba lü I n kha posüto. 9Gura mori mula bi tahite, mhashe bamo, pü rüpü kepha mu lice lü khapü ngoyi kezho, molize süo nce meno vorimo.
10Sekemoko la mhameni kekro zo, vele ha Po melü keba thüma süo pü metü khrüpühe hu zo. 11Ha Polü nü shu de nenü te, neko kemeziko; nienü füphra meto te, neko melülü jütho kehopüri!
