David kelasü khapü kra
Tsalelü keveo khapü. Tsale kethi mhathoko zü. David mhase chele, Ziph miko Saul ce vota die poti, "David ha dolü meka ba momme?" zita.
Ziphmiko David Saul ce tsüyi po lasü. Pü prayi shorüo mu kemenu kemo — n za la a kelayite — mu thino khimokesu lü thela: kethozo a Po a kekhrühio zo, a kerhü uphopü zo.
54 1Apo, n za la a kelayite, mu n kuku la a mezi mesesüte. 2Apo, a cho reni süte; a talü jüko rünyi süte. 3Kekrelamori sekemo miko a metsu rhüla süta, mu rutho miko a dokhri va nyü yo; uko ha Po rhomo.
4Kethozo, a Po a kekhrühio zo; Niepoo tsüsa a kerhü upho zo. 5Pü aphu riba kebako yo mhakesu rede süto; n kemelülü, uko thüla thiyite. 6I mharhü reshü la no ce kereshü thito; I n za chu süto, a Po, kekrelamori pü keve zo. 7Kekrelamori Pü a kemezhe metülü celü a süphra süta, mu I a ngomumiko kuküyi ngota.
