Mhakeve Kethi Thüma Bamo
Tsale thikemi kedeo ce, Mahalath düde. David mhase kena.
Chele 14 la samepü bi thizo. Ha Poe mha keveko thüma kekro tüyolü yo pede, sepü mipü phu die, mipüri ngo mo. Pü thümako tsükhri bi tiba thümako, mpeyi mha bamo kebalü mpe metü thita. Zionlü celü kelakeyi vorite zisü die mezizo.
53 1Künyomi pü melülü, “Jihova bamo,” zi die poti. Puko mesakemo thite, ngokemetsü kekriti mhathi die; mhakeve kethi thüma bamo.
2Sepü thüma yoba me, mu Pü phu keyipü thüma yoba me ngo ketola, Ha Poe tüyolü thüma metü yo pede. 3Puko metü chokhü prate; kengu puko mesakemo vote; mhakeve kethi thüma bamo, mi püh ri bamo.
4Mhakesu kethiko mhase bamo me?—puko a thümako tsükhri tiba süde tive, mu ha Po cü mode? 5Sülü puko mpe metü thita, mpeyi mha bamo kebalü; kekrelamori no ce chozu bapü püroko ha Poe hupü preve; noe uko thenga thisü, kekrelamori ha Poe uko melavato.
6Israelmi kelakeyi Zionlü vorite! Ha Poe pü thümako rede lize, Jacob nenü hite, mu Israelmi nüshu hite.
