Kaphā Kasā Akhala Maleimana
Laa yangkhame vang, Mahalath athishurda. Davidwui thangkhamei laa.
Psalm 14 thāda kha̱thāda lei. Ithumwui Avāna khangachee akha zangra da mi saikorali yangtai, kha akhala mazangmana. Awui mibingli sākashimānbingna khangachee malei tharan khangachee eina khuirakhai. Zionwui eina huikhami rāranu da ningkachāngda zanga.
53 1Mangkhama̱ china awui ningli, "Vare maleimana" da hānga. Athum kateikazā, ningkakachai khangui ot kasābing; kaphā kasā akhala maleimana.
2Ithumwui Avāna kazingram eina mibingwui naomayara ngarā saikorali yangtāda, theishingkhui mi khipākha, ali kaphā mi khipākha leikhala da theikhui. 3Athum saikora ma̱thuihaira; athum tongda kateikazā ngaraichāsera; kaphā kasā akhala maleimana, akhani chidala maleimana.
4Khamui kashai thāda iwui mibingli kashaibing, kala ithumwui Avāli khangakao makhaleibing, makaphā ot kasābing hi awor maleithula? 5Khangachee khavai khikha maleipamli, athum khangachee khangachāna pemhaira; kaja ithumwui Avāna nali ngasung khavai rairum sāvaikasāwui ara̱kui kashamyānghaira; nana athumli maishi ngasaka, kaja ithumwui Avāna athumli khalanhaira.
6Iyavo, Israelwui vang kankhami Zionwui eina rāsija! Ithumwui Avāna awui mibingwui lan kaji hanmiluishit tharanli, Jacobna ringphāra, kala Israelna mathānra.
