யோவான் 17

17 ¹இயேசு இவைகளைச் சொன்னபின்பு, வானத்தை அண்ணாந்து பார்த்து: "பிதாவே, வேளை வந்துவிட்டது. உம்முடைய குமாரன் உம்மை மகிமைப்படுத்தும்படி, உம்முடைய குமாரனை மகிமைப்படுத்தும்; ^a a v1 யோவான் 17, இயேசு பிதாவை நோக்கிச் செய்த, பதிவுசெய்யப்பட்டவற்றுள் மிக நீளமான ஜெபம் — சிலுவைக்கு முந்தின இரவில் சொல்லப்பட்டது; பிதா என்றும், பரிசுத்த பிதா என்றும், நீதியுள்ள பிதா என்றும் தாம் அழைக்கிறவரிடத்தில் தமது இருதயத்தைத் திறந்துகாட்டுகிறார். ²ஏனெனில் நீர் அவருக்குக் கொடுத்த யாவருக்கும் அவர் நித்தியஜீவனைக் கொடுக்கும்படி, எல்லா மனிதர்மேலும் அவருக்கு அதிகாரம் கொடுத்தீர். ³ஒன்றான மெய்யான பிதாவாகிய உம்மையும், நீர் அனுப்பின இயேசு கிறிஸ்துவையும் அறிவதே நித்தியஜீவன். ⁴நீர் எனக்குச் செய்யும்படி கொடுத்த கிரியையை நான் முடித்து, பூமியிலே உம்மை மகிமைப்படுத்தினேன். ⁵பிதாவே, உலகம் உண்டாகுமுன் உம்மிடத்தில் எனக்கிருந்த மகிமையினால், இப்பொழுது நீர் உம்மிடத்தில் என்னை மகிமைப்படுத்தும்.

⁶உலகத்திலிருந்து நீர் எனக்குக் கொடுத்தவர்களுக்கு உம்முடைய நாமத்தை வெளிப்படுத்தினேன். அவர்கள் உம்முடையவர்களாயிருந்தார்கள்; அவர்களை எனக்குக் கொடுத்தீர், அவர்களும் உம்முடைய வார்த்தையைக் காத்துக்கொண்டார்கள். ⁷நீர் எனக்குக் கொடுத்தவைகளெல்லாம் உம்மிடத்திலிருந்து வந்தவைகள் என்று இப்பொழுது அவர்கள் அறிந்திருக்கிறார்கள். ⁸நீர் எனக்குக் கொடுத்த வார்த்தைகளை நான் அவர்களுக்குக் கொடுத்தேன்; அவர்கள் அவைகளை ஏற்றுக்கொண்டு, நான் உம்மிடத்திலிருந்து வந்தேன் என்று மெய்யாய் அறிந்து, நீர் என்னை அனுப்பினீர் என்று விசுவாசித்தார்கள். ⁹அவர்களுக்காக நான் வேண்டிக்கொள்ளுகிறேன்; உலகத்துக்காக அல்ல, நீர் எனக்குக் கொடுத்தவர்கள் உம்முடையவர்களாயிருக்கிறபடியால், அவர்களுக்காகவே வேண்டிக்கொள்ளுகிறேன். ¹⁰என்னுடையவைகளெல்லாம் உம்முடையவைகள், உம்முடையவைகள் என்னுடையவைகள்; அவர்களில் நான் மகிமைப்பட்டிருக்கிறேன். ¹¹இனி நான் உலகத்தில் இரேன், இவர்களோ உலகத்தில் இருக்கிறார்கள்; நான் உம்மிடத்திற்கு வருகிறேன். பரிசுத்த பிதாவே, நாம் ஒன்றாயிருக்கிறதுபோல இவர்களும் ஒன்றாயிருக்கும்படி, நீர் எனக்குக் கொடுத்த உம்முடைய நாமத்தினாலே இவர்களைக் காத்துக்கொள்ளும். ¹²நான் அவர்களோடிருந்தபோது, நீர் எனக்குக் கொடுத்த உம்முடைய நாமத்தினாலே அவர்களைக் காத்துக்கொண்டேன். நான் அவர்களைக் காப்பாற்றினேன்—வேதவாக்கியம் நிறைவேறும்படிக்கு, கேட்டின் மகனைத் தவிர அவர்களில் ஒருவனும் கெட்டுப்போகவில்லை. ^b b v12 "கேட்டின் மகன்" என்பது இயேசுவைக் காட்டிக்கொடுத்த யூதாஸ்காரியோத்துவுக்குரிய ஒரு பட்டப்பெயர். ¹³இப்பொழுது நான் உம்மிடத்திற்கு வருகிறேன்; என்னுடைய சந்தோஷம் இவர்களில் நிறைவாயிருக்கும்படி, இவைகளை உலகத்திலே சொல்லுகிறேன். ¹⁴நான் உம்முடைய வார்த்தையை அவர்களுக்குக் கொடுத்தேன்; நான் உலகத்தானல்லாதிருக்கிறதுபோல அவர்களும் உலகத்தாரல்லாதிருக்கிறபடியால், உலகம் அவர்களைப் பகைத்தது. ¹⁵நீர் அவர்களை உலகத்திலிருந்து எடுத்துக்கொள்ளும்படி நான் வேண்டிக்கொள்ளாமல், தீயவனுக்கு அவர்களை விலக்கிக் காத்துக்கொள்ளும்படி வேண்டிக்கொள்ளுகிறேன். ¹⁶நான் உலகத்தானல்லாதிருக்கிறதுபோல அவர்களும் உலகத்தாரல்ல. ¹⁷உம்முடைய சத்தியத்தினாலே அவர்களைப் பரிசுத்தமாக்கும்; உம்முடைய வார்த்தையே சத்தியம். ¹⁸நீர் என்னை உலகத்தில் அனுப்பினதுபோல, நானும் அவர்களை உலகத்தில் அனுப்பினேன். ¹⁹அவர்களும் சத்தியத்தினாலே பரிசுத்தமாக்கப்படும்படி, அவர்களுக்காக நான் என்னைப் பரிசுத்தமாக்குகிறேன்.

²⁰இவர்களுக்காக மாத்திரமல்ல, இவர்களுடைய வார்த்தையினால் என்னை விசுவாசிக்கிறவர்களுக்காகவும் வேண்டிக்கொள்ளுகிறேன். ²¹பிதாவே, நீர் என்னிலும் நான் உம்மிலும் இருக்கிறதுபோல, அவர்களெல்லாரும் ஒன்றாயிருக்கவும், அவர்கள் நமக்குள் இருக்கவும், நீர் என்னை அனுப்பினீர் என்று உலகம் விசுவாசிக்கவும் செய்யும். ²²நாம் ஒன்றாயிருக்கிறதுபோல அவர்களும் ஒன்றாயிருக்கும்படி, நீர் எனக்குக் கொடுத்த மகிமையை நான் அவர்களுக்குக் கொடுத்தேன்; ²³நான் அவர்களிலும், நீர் என்னிலும் இருக்கிறதினால், அவர்கள் பூரணமாய் ஒன்றாகும்படியும், நீர் என்னை அனுப்பினீர் என்றும், நீர் என்னில் அன்புகூர்ந்ததுபோல அவர்களிலும் அன்புகூர்ந்தீர் என்றும் உலகம் அறியும்படியுமாக இப்படிச் செய்தேன். ²⁴பிதாவே, உலகம் உண்டாகுமுன் நீர் என்னில் அன்புகூர்ந்தபடியால் எனக்குக் கொடுத்த என்னுடைய மகிமையை நீர் எனக்குக் கொடுத்தவர்கள் காணும்படி, நான் இருக்கிற இடத்தில் அவர்களும் என்னுடனேகூட இருக்கவேண்டுமென்று விரும்புகிறேன். ²⁵நீதியுள்ள பிதாவே, உலகம் உம்மை அறியவில்லை, நானோ உம்மை அறிந்திருக்கிறேன்; நீர் என்னை அனுப்பினீர் என்று இவர்களும் அறிந்திருக்கிறார்கள். ²⁶நீர் என்னில் வைத்த அன்பு அவர்களில் இருக்கும்படிக்கும், நானும் அவர்களில் இருக்கும்படிக்கும், உம்முடைய நாமத்தை அவர்களுக்குத் தெரியப்படுத்தினேன், இன்னும் தெரியப்படுத்துவேன்."