சங்கீதம் 146

146 ¹அல்லேலூயா! என் ஆத்துமாவே, எங்கள் பிதாவைத் துதி.

²நான் உயிரோடிருக்கும் மட்டும் எங்கள் பிதாவைத் துதிப்பேன்; என் சுவாசம் உள்ளவரை எங்கள் பிதாவைப் பாடிப் புகழ்வேன்.

³பிரபுக்களை நம்பாதேயுங்கள், உங்களை இரட்சிக்க முடியாத மனிதனையும் நம்பாதேயுங்கள். ⁴அவனுடைய ஆவி பிரிந்துபோகிறது, அவன் மண்ணுக்குத் திரும்புகிறான்; அந்த நாளிலேயே அவனுடைய திட்டங்கள் அழிந்துபோகின்றன. ⁵யாக்கோபின் தேவனைத் தன் துணையாகக் கொண்டவனும், எங்கள் பிதாவின்மேல் தன் நம்பிக்கையை வைத்தவனும் பாக்கியவான்.

⁶அவரே வானத்தையும் பூமியையும், சமுத்திரத்தையும் அவைகளிலுள்ள யாவற்றையும் உண்டாக்கினவர்; அவர் என்றென்றைக்கும் உண்மையைக் காக்கிறார். ⁷அவர் ஒடுக்கப்பட்டவர்களுக்கு நியாயம் செய்கிறார்; பசியுள்ளவர்களுக்கு அப்பம் கொடுக்கிறார். எங்கள் பிதா கட்டப்பட்டவர்களை விடுதலையாக்குகிறார். ⁸எங்கள் பிதா குருடர்களின் கண்களைத் திறக்கிறார்; எங்கள் பிதா தாழ்த்தப்பட்டவர்களைத் தூக்கிவிடுகிறார்; எங்கள் பிதா நீதிமான்களை நேசிக்கிறார். ⁹எங்கள் பிதா அந்நியர்களைக் காக்கிறார்; திக்கற்ற பிள்ளையையும் விதவையையும் தாங்குகிறார்; ஆனால் துன்மார்க்கருடைய வழியை அழிவுக்குள்ளாக்குகிறார்.

¹⁰எங்கள் பிதா என்றென்றைக்கும் ஆளுகை செய்வார்—சீயோனே, உன் பிதா தலைமுறை தலைமுறையாக ஆளுகை செய்வார். அல்லேலூயா!