சங்கீதம் 26

26 ¹என் பிதாவே, என் நியாயத்தை விசாரியும்; ஏனெனில் நான் என் உத்தமத்திலே நடந்தேன், என் பிதாவை நான் தள்ளாடாமல் நம்பியிருந்தேன்.

²என் பிதாவே, என்னைச் சோதித்துப் பாரும்; என் இருதயத்தையும் என் மனதையும் புடமிட்டுப் பாரும். ³ஏனெனில் உம்முடைய உடன்படிக்கை அன்பு என் கண்களுக்கு முன்பாக இருக்கிறது, உம்முடைய உண்மையிலே நான் நடக்கிறேன்.

⁴வஞ்சகருடன் நான் உட்காருவதில்லை, மாயக்காரருடன் நான் சேர்வதுமில்லை. ⁵தீமை செய்வோரின் கூட்டத்தை நான் வெறுக்கிறேன், துன்மார்க்கருடன் நான் உட்காரமாட்டேன். ⁶என் பிதாவே, குற்றமற்றவனாய் என் கைகளைக் கழுவி, உம்முடைய பலிபீடத்தைச் சுற்றி வருகிறேன், ⁷எனது நன்றியை உரத்த சத்தமாய் அறிவித்து, உம்முடைய அற்புதச் செயல்கள் யாவையும் விவரிக்கிறேன்.

⁸என் பிதாவே, நீர் தங்கியிருக்கும் வீட்டை நான் நேசிக்கிறேன், உம்முடைய மகிமை தங்கும் இடத்தை நான் நேசிக்கிறேன்.

⁹பாவிகளுடன் என் ஆத்துமாவையும், இரத்தப்பிரியருடன் என் ஜீவனையும் அள்ளிப்போடாதேயும், ¹⁰அவர்களுடைய கைகளில் தீய சூழ்ச்சிகள் உண்டு, அவர்களுடைய வலதுகைகள் லஞ்சத்தால் நிறைந்திருக்கின்றன. ¹¹ஆனால் நானோ, என் உத்தமத்திலே நடக்கிறேன்; என்னை மீட்டு, எனக்கு இரங்கும்.

¹²என் கால் செம்மையான தரையில் நிற்கிறது; மகா சபையிலே என் பிதாவை நான் ஸ்தோத்திரிப்பேன்.