சங்கீதம் 58

58 ¹அதிபதிகளே, நீங்கள் மெய்யாகவே நீதியானதைத் தீர்மானிக்கிறீர்களா? மனுபுத்திரரை நேர்மையோடு நியாயந்தீர்க்கிறீர்களா? ^a a v1 “அழிக்காதே” என்பது இந்தப் பாடல் பாடப்பட்ட இராகத்தின் பெயராகும். ²இல்லை, உங்கள் இருதயங்களில் நீங்கள் அநியாயங்களைச் சிந்திக்கிறீர்கள்; உங்கள் கைகள் தேசமெங்கும் கொடுமையைப் பகிர்ந்தளிக்கின்றன. ³துன்மார்க்கர் கருப்பையிலிருந்தே அந்நியராயிருக்கிறார்கள்; பிறந்ததுமுதல் பொய் பேசி வழிதப்பிப் போகிறார்கள். ⁴அவர்களுடைய விஷம் பாம்பின் விஷம்போலிருக்கிறது, தன் காதை அடைத்துக்கொள்ளும் செவிடான நாகப்பாம்பைப்போலிருக்கிறது, ⁵மந்திரவாதிகளின் சத்தத்தையும், தந்திரமாய் மந்திரிக்கிறவனின் குரலையும் அது கேளாதபடிக்கே அப்படிச் செய்கிறது. ⁶எங்கள் பிதாவே, அவர்கள் வாய்களிலுள்ள பற்களை உடைத்துப்போடும்; எங்கள் பிதாவே, பாலசிங்கங்களின் கோரைப்பற்களைப் பிடுங்கிப்போடும்! ⁷ஓடிப்போகிற தண்ணீரைப்போல் அவர்கள் மறைந்துபோகட்டும்; எங்கள் பிதா தம் அம்புகளைத் தொடுக்கும்போது, அவர்கள் அறுப்புண்டுபோகட்டும். ⁸ஊர்ந்து செல்லும்போதே கரைந்துபோகும் நத்தையைப்போலவும், சூரியனை ஒருபோதும் காணாத செத்துப்பிறந்த குழந்தையைப்போலவும் அவர்கள் ஆகட்டும். ⁹உங்கள் பானைகள் முள்ளின் வெப்பத்தை உணர்வதற்குமுன்பே, பசுமையாயிருந்தாலும் எரிந்துகொண்டிருந்தாலும், அவர் அவைகளை அடித்துக்கொண்டுபோய்விடுவார். ¹⁰நீதிமான் நீதி நிறைவேற்றப்படுவதைக் காணும்போது மகிழ்ச்சியடைவான்; அவன் தன் பாதங்களைத் துன்மார்க்கருடைய இரத்தத்தில் கழுவுவான். ¹¹அப்பொழுது மனிதர்: “மெய்யாகவே நீதிமானுக்குப் பலனுண்டு; மெய்யாகவே எங்கள் பிதா பூமியை நியாயந்தீர்க்கிறவராயிருக்கிறார்” என்று சொல்லுவார்கள்.