நான் என் நேசருடையவள்
எருசலேமின் குமாரத்திகள் அவளோடு சேர்ந்து தேட முன்வருகிறார்கள்; அவர் எங்கே போயிருக்கிறார் என்று தனக்குத் தெரியும் என்று அவள் பதில் சொல்கிறாள். அந்த மனிதன் அவளைப் புகழ்கிறான்: அறுபது ராணிகளும் எண்ணற்ற பெண்களும் இருந்தாலும், அவள் ஒருத்தியே. பின்பு பார்ப்பவர்கள் சூலமித்தியைப் பார்க்கும்படி அவளைத் திரும்ப அழைக்கிறார்கள்.
6 1பெண்களில் அதிக ரூபவதியே, உன் நேசர் எங்கே போனார்? உன்னோடு அவரைத் தேடும்படி, உன் நேசர் எவ்வழியாய்ச் சென்றார்?
2என் நேசர் தம்முடைய தோட்டத்திற்கு, நறுமணப் பாத்திகளுக்கு இறங்கிப்போனார்; தோட்டங்களில் மேய்ந்து, லீலிபுஷ்பங்களைச் சேகரிக்கவே சென்றார்.
3நான் என் நேசருடையவள், என் நேசர் என்னுடையவர்; அவர் லீலிபுஷ்பங்களுக்குள்ளே மேய்கிறார்.
4என் பிரியமே, நீ திர்சாவைப்போல் ரூபவதி, எருசலேமைப்போல் அழகுள்ளவள், கொடியேந்திய சேனையைப்போல் பயங்கரமானவள். a a v4 திர்சா என்பது தன் அழகுக்குப் பேர்பெற்ற பூர்வகால ராஜதானி நகரம்; நகரங்களிலெல்லாம் அழகுள்ளதாய் இங்கே எருசலேமோடு இணைத்துச் சொல்லப்படுகிறது.
5உன் கண்களை என்னைவிட்டுத் திருப்பிக்கொள், அவைகள் என்னை மேற்கொள்ளுகிறதே. உன் கூந்தல் கீலேயாத் மலையிலிருந்து இறங்கிவரும் வெள்ளாட்டு மந்தையைப்போல் இருக்கிறது. 6உன் பற்கள் குளிப்பாட்டப்பட்டு ஏறிவரும் ஆட்டு மந்தையைப்போல் இருக்கிறது; அவைகள் எல்லாம் இரட்டைக் குட்டியீன்றவைகள், அவைகளில் ஒன்றும் மலடாயிராது. 7உன் முக்காட்டின் மறைவில் உன் கன்னங்கள் மாதுளம்பழத்தின் பாதிகளைப்போல் இருக்கிறது.
8அறுபது ராஜஸ்திரீகளும், எண்பது மறுமனையாட்டிகளும், எண்ணிக்கையில்லாத கன்னிகைகளும் இருக்கிறார்கள்; 9ஆனாலும் என் புறாவும் என் உத்தமியுமானவள் ஒருத்தியே; அவள் தன் தாய்க்கு ஒரே மகள், தன்னைப் பெற்றவளுக்குப் பிரியமானவள். கன்னிகைகள் அவளைக் கண்டு அவளைப் பாக்கியவதி என்றார்கள்; ராஜஸ்திரீகளும் மறுமனையாட்டிகளும் அவளைப் புகழ்ந்தார்கள்.
10விடியற்காலத்தைப்போல் உதயமாகி, சந்திரனைப்போல் அழகுள்ளவளாய், சூரியனைப்போல் பிரகாசமுள்ளவளாய், கொடியேந்திய சேனையைப்போல் பயங்கரமுள்ளவளாய் இருக்கிற இவள் யார்?
11பள்ளத்தாக்கின் புஷ்பங்களைப் பார்க்கவும், திராட்சச்செடி துளிர்விட்டதோ, மாதுளஞ்செடிகள் பூத்ததோ என்று பார்க்கவும், நான் வாதுமைத் தோட்டத்திற்கு இறங்கிப்போனேன்.
12நான் அறியுமுன்னே, என் ஆவல் என்னை என் மேன்மையான ஜனத்தின் இரதங்களுக்குள்ளே வைத்தது.
13திரும்பு, திரும்பு, சூலமித்தியே; திரும்பு, திரும்பு, நாங்கள் உன்னை நோக்கிப் பார்க்கும்படி திரும்பு. இரண்டு பாளையங்களின் நடனத்தைப் பார்ப்பதுபோல் நீங்கள் சூலமித்தியை நோக்கிப் பார்க்கிறதென்ன? b b v13 'இரண்டு பாளையங்களின் நடனம்' என்பது எதிரெதிராய் நிற்கும் இரண்டு வரிசைப் பார்வையாளர்களுக்கு நடுவே நிகழ்த்தப்படும் அழகிய ஊர்வலநடனத்தைச் சித்தரிக்கிறது.
