Biteki bya Kyedika, Byenina Kyesi Kyandi
Biteki, kukaba yi khumbu ya mboti, byoyo bitatu bisi yala muna kapu kyaki. Kapu kisi tambwasa nziki-nziki ni mana masi monika hanga zimbila, kyenina zimbila ku: kukaba mu luzolu amana kukituka mvwama lawu, kulumbikila madya amana kutambula mbi kikuma kya mawu. Phisi konda ngangu yisi tambula ndinga ya ngolu lawu: ndamba ya wolu muna munwa wa ngulu.
11 1Biteki bya luvunu, byenina kima Tata wetu kisi menga, kaasi biteki bya kyedika, byenina kyesi kyandi. 2Muna tangwa lulendu lwisa, buna tsoni yisa, kaasi ngangu yenina yi batu badikulumuna. 3Kasemi kya batu ba masonga, kyenina kubanatisa, kaasi khonda kya balámbula, kyenina kubazanga. 4Kimvwama kyisi sadila mupfunu ku muna kilumbu kya khabu, kaasi masonga mesi hulula mu lufwa. 5Masonga ma mutu wakonda kifu, mesi sungika nzila zandi, kaasi mutu wa mbi, kabwa mu kayengu kyandi mweni. 6Masonga ma batu ba masonga, mesi kubahulula, kaasi balámbula, bakwata mu mutambu wa nzoluka za bawu. 7Tangwa mutu wa mbi kafwa, kivuvu kyandi kisi zanga, amana kikumbwala kyandi mu ngolu zandi mveni, kisi kituka kya phamba. 8Mutu wa masonga, kahulula mu kiwayi, amana mutu wa mbi wisa kota mwamuna yandi mweni. 9Mu munwa wandi, mutu wakonda kinzambi kisi zanga phangi wandi, kaasi mu nzayilu, batu ba masonga bahulula. 10Muna tangwa thinu za mboti zisi kwisa kwena batu ba masonga, mbanza yisephila, amana muna tangwa batu ba mbi bafwa, kuna biyoka bya kyesi. 11Mu lusakumunu lwa batu ba masonga, mbanza yitombwala, kaasi mu munwa wa batu ba mbi, yiwulumuka. 12Wuna wisi seya phangi wandi, wukondi ngangu, kaasi mutu wábakula mambu, kakanga munwa wandi. 13Mutu wa ngusi, kisi zayikisa bitsweki, kaasi mutu wenina yi kitembu kya kyedika, kisi sweka kitsweki. 14Konda kutwadisa, kanda dibwa, kaasi muna lawu-lawu lwa baphani ba mabanza, muna talala. 15Wuna wisi kudihana mu kikuma kya munzenza, kyedika kamona phasi mwamuna, kaasi wuna wisi menga kuzika moku mu kudihana, kenina wa kitshinzidi. 16Mukhetu wa khenda, kisi tambula lukumu, amana bayakala ba mbundu za ngolu, bisi tambula kimvwama. 17Mutu wa khenda, kisi divwila mamboti, kaasi mutu wa khu, kisi dinatisa kiwayi yandi mweni. 18Mutu wa mbi, katambula lufutu lwa luvunu, kaasi wuna wisi kuna masonga, katambula lufutu lwa kyedika. 19Wuna wazyama mu masonga, kisi tambula luzingu, kaasi wuna wisi landa mbi, kakwenda ku lufwa lwandi mweni. 20Batu ba mbundu ya khonda, benina batu Tata wetu kisi menga, kaasi batu ba nzila zakonda kifu, benina kyesi kyandi. 21Luzayi kyedika ni mutu wa mbi, kafútama kwandi, kaasi bana ba batu ba masonga, bahulula. 22Hanga ndamba ya wolu mu mbombu ya ngulu, bwabuna bwenina mukhetu wa kitoku wukondi ngangu. 23Luzolu lwa batu ba masonga, lwisi mana kaka mu mboti, kaasi kivuvu kya batu ba mbi, kisi mana mu khabu. 24Mutu mosi kisi kabisa mu luzolu, kaasi kisi kituka mvwama lawu, mukwawu kisi simbidila mana mafwana, kaasi kisi kituka muwayi. 25Moya wa khenda, wakituka mvwama, amana wuna wisi lembika batu bakwawu, yandi mweni kalembwa. 26Batu bisi singa wuna wisi simbidila bule, kaasi wuna wisi tekisa dyawu, basakumuna. 27Wuna wisi sanda mboti mu ngolu zandi, kisi sanda khenda, kaasi wuna wisi sanda mbi, mbi yakwísa kwena yandi. 28Wuna wisi dihana muna kimvwama kyandi kabwa, kaasi batu ba masonga bakaména hanga makaya ma watsi. 29Wuna wisi nata phasi muna nzu yandi katámbula tembu, amana zoba kakála musadi kwena wuna wa ngangu mu mbundu. 30Hika ya mutu wa masonga yenina miti wa luzingu, amana wuna wisi baka moya kenina wa ngangu. 31Yuka ni mutu wa masonga kafútama ha tsi, buna bweti lawu kwena mutu wa mbi yi musumuki!
