Yiyunini Moku Mama Kwena Ngeyi
Mukunga wa Tavidi.
Wusandwa amana wukubulwa ha tsi, wisi lomba kanatu ku pfundusu ku, mukuma ka mutu ku wa moya wenina wa masonga ku thwala ya Tata wandi. Wisi sungula mihangu mya thama hanga kazinga mu buthwena, amana wisi lomba bima bidi: ndinga muna suka, yi tsi ya kufwana.
143 1A Tata wama, yuka lombilu lwama; yukila kubokwadila kwama kwa kyadi; pheka mvutu kwena meni mu kwikama dyaku, mu masonga maku. 2Wunataku musadi waku ku pfundusu, mukuma ka mutu ku wa moya wenina wa masonga ku thwala yaku. a a v2 Pholu wásadila ndinga yayi mu kulonga ni ka mutu ku wukituki wa masonga kwena Tata wetu mu mihangu myandi meni — kaasi lwesi mu kukwikila mwena Yesu. 3Mukuma mbeni wásanda moya wama; wákubula luzingu lwama ha tsi; wákhitula ndangu yazingila mu phipha hanga batu bana bafwa thama. 4Kitembu kyama kizokini mwena meni; mbundu yama mwena meni yibati tekita. 5Yibati sungula bilumbu bya thama; yibati medina mu mana moosu mana wáhanga; yibati banza muhangu wa moku maku. 6Yiyunini moku mama kwena ngeyi; moya wama wenina yi nzala yaku, hanga tsi yáyumuka.
7Pheka mvutu tswatsu kwena meni, A Tata wama; kitembu kyama kibati mana. Wunswekaku mbunzu yaku kwena meni, holo yakála hanga batu bana bisi kuluka ku dibulu. 8Yambula yayukila lungongu lwaku lwa bulunda muna suka, mukuma mwena ngeyi yisya mbundu yama. Tsongila nzila yina yifwana kwenda, mukuma yibati tombula moya wama kwena ngeyi. 9Mphulula ku bambeni bama, A Tata wama; yitini kwena ngeyi mu kudiswekila. 10Ndonga mu kuhanga luzolu lwaku, mukuma ngeyi wenina Tata wama; yambula Kitembu kyaku kya bukheti kingnatisa ha musenzi. 11Kikuma kya khumbu yaku, A Tata wama, lunda luzingu lwama; mu masonga maku, katula moya wama mu phasi. 12Amana mu lungongu lwaku lwa bulunda, wakwánga bambeni bama, amana watótisa bandwandwa boosu ba moya wama, mukuma meni yenina musadi waku.
