Mukunga wa Pha
Mukunga wa pha wena yi mbedi: makinu, ngoma, kuyimbila hana bilalu bya bawu, amana mbedi ya phoku ya minwa myodi mu koku mu kunata mukanu wásonama hana bakyamvu yi makanda. Lukumu lwenina lwa batu basila mbundu, bana Tata wetu kabaheka phu ya luhulusu.
149 1Aleluya! Yimbilenu kwena Tata wetu mukunga wa pha, lukumu lwandi mu kimvuka kya batu basila mbundu.
2Kiseledi kyasangwala mwena wuna wáhanga bawu; bana ba Siyoni bakala yi kyesi mwena Kyamvu wa bawu. 3Bazatula khumbu yandi ni makinu, basika kizamba kwena yandi ni ngoma yi nsambi. 4Mukuma Tata wetu wisi sephila yi batu bandi; yandi wisi heka batsukami phu ya luhulusu. a a v4 Tata wetu katambulaka kaka batu bandi ku; wisi sephila yi bawu kyedika, amana wisi kembisa batsukami ni luhulusu lwandi. 5Batu basila mbundu basangwala mu lukumu lwalu; bayimbila ni kyesi hana bilalu bya bawu.
6Lukumu lwa lawu lwa Tata wetu lwakala hana malebu ma bawu, amana mbedi ya phoku ya minwa myodi mu moku ma bawu, 7mu kunata mukanu hana makanda, yi pfundusu hana batu ba tsi, 8mu kukasa bakyamvu ba bawu ni miyololu, yi batu ba bawu ba luzitu ni mitaku mya kisengu, 9mu kuhangila hana bawu pfundusu yina yásonama. Lwalu lwenina lukumu lwa batu bandi boosu basila mbundu. Aleluya!
