Mukunga wa Mbanza ya Bukheti
Mukunga. Mukunga wa bana ba Kola.
Kunima dya mvita yakalunga, bazatudi bisi zyeta mapangu ma Yelusalemi amana bisi tanga mandondu mandi hanga kimbangi. Bakyamvu babana bakwisa bonga mbanza bámona mbala yimosi, bweya bwábakwata amana bátina hanga mukhetu mu misongu mya kubuta. Mana bayuka matadidini Tata wawu buthwena bamona mawu.
48 1Tata wetu kenina wambuta, amana kafwana mu kuzatulwa lawu, mu mbanza ya Tata wetu, ha mongu wandi wa bukheti. 2Kitoku mu malondi mandi, kyesi kya tsi yosu, wenina mongu wa Siyoni, kuna tsuka ya ku londi, mbanza ya kyamvu wambuta. a a v2 «Kuna tsuka ya ku londi» yenina khumbu ya thama ya mikunga yisi tela mongu wa Nzambi, hamu dyisi sadilwa ha mongu wa Siyoni hanga kifulu kya bukheti kya Nzambi. 3Tata wetu, mu nzu za ngolu zandi, wázayakana hanga kibaka kya ngolu.
4Mukuma tala, bakyamvu bákhokana; hakimosi bénda ku thwala. 5Bámona, amana muna tangwa meni báyituka lawu; bweya bwábakwata, bátina thinu. 6Matekita mábakwata kuna, kiwayi hanga mukhetu mu misongu mya kubuta. 7Ni pfunzi ya ku tsosu, ngeyi wátolula masuwa ma Talasisi.
8Bwosu twáyuka, bwabuna twámona, mu mbanza ya Tata, Mukwa ngolu zoosu, mu mbanza ya Tata wetu; yandi kisi mukinikisa mvula yi mvula.
9Twábanza khenda zaku, A Tata, mu nzu yaku. 10Bwosu khumbu yaku, A Tata, bwabuna khembu yaku tii yi kuna tsuka ya tsi; koku dyaku dya kitata dyabasa masonga. 11Mongu wa Siyoni wusangwala, bana ba bakhetu ba Yuta basangwala, kikuma kya pfundusu zaku.
12Kangalenu Siyoni, luzingila yandi; tangenu mandondu mandi. 13Talenu mboti mapangu mandi, luhitila mu nzu za ngolu zandi, hanga lwazimbula mbandu yina yalanda.
14Mukuma yandu wenina Tata wetu, wa betu mvula yi mvula; yandi kakála mutwadisi wetu tii yi kuna tsuka.
