Bapfumu ba mbi
Kikuma kya mutwadisi wa musindikila: mu ndinga ya «Watotisaku». Mukunga wa Tavidi. Mukunga wa wolu.
Nkanu kwena bazusi babana bisi kabula mvwalangani ku kiti kya nkanu. Bazimbulwa ni benina yi ndikila hanga nyoka, bakahuwa hanga nyoka yina yisi menga ndinga ya nganga mazi. Lombilu lwisi lomba ni menu ma bawu matolulwa, ndangu batu bazonza mu kyedika ni Tata wetu wisi fundisa tsi.
58 1Keti kyedika, benu bapfumu, lwisi zonza mambu masungama? Keti lwisi fundisa bana ba batu mu masonga? a a v1 «Watotisaku» yenina khumbu ya ndinga ya musindikila yina báyimbila mukunga wawu. 2Nana, muna mbundu zenu lwisi yindula mambu ma mbi; moku menu misi kabula mvwalangani ha tsi. 3Batu ba mbi benina banzenza tukidila ku vumu; bisi ditotisa tukidila ku lubutuku, mu kuzonza luvunu. 4Ndikila ya bawu yenina hanga ndikila ya nyoka, hanga nyoka ya kahuwa yina yisi kanga kutu dyandi, 5ndangu kayukiku ndinga ya batu bana bisi lozila mazi, kondilo ndinga ya nganga mazi wa bukamvi. 6A Tata wetu, tolula menu muna munwa mya bawu; vumuna menu ma bana ba bathambu, A Tata wetu! 7Bahwa hanga mamba mana misi kwenda; tangwa Tata wetu kaba timbula phunza zandi, bakhufikisilwa. 8Hanga nkhodi yina yisi hwa ha kisi dyata, hanga mwana wuna wáfwa mu kubutuka wuna kámonaku tangwa. 9Ku thwala nzungu zenu zakala yuka kyungila kya tsaku, keti za mwayu keti zina ziyaka, kabakombula. 10Batu ba masonga kabasangwala tangwa bamona pfundusu yáhangama; kabasukula malu ma bawu mu menga ma batu ba mbi. 11Amana batu kabazonza: «Mukyedika, lufutu lwenina kikuma kya batu ba masonga; mukyedika, Tata wetu wisi fundisa tsi.»
