Baswana ba khenda ya Tata wetu
Bawu, mu tangwa dya khulu, bakala bazoba, bakolama amana bamengana bawu yi bawu; yina yabalumuka yenina khenda za Tata wetu, kusukula kwa lubutuku lwa pha yi Kitembu Kyatoma kadungulwa, heku mihangu mya bawu, yabakitula baswana. Buna: mihangu mya mboti, kondilo mphaka zitadidi mutsiku, mutu wisi kotisa ngyengu kakebuswa mbala zodi buna kayambulwa.
3 1Bambukisa bawu hanga balemvuka kwena bapfumu yi luyalu, bakwikila, amana bakala bakubama mu kosu kisalu kya bukheti, 2ka bamúkumba mutu mosi ku, babwisa ngyuma, bakala batu ba lembami, amana basongila buweti bwosu kwena batu boosu. 3Betu phi, mu tangwa dya khulu, twákala bazoba, bakolama, bádihuna, bahika ba tsatu yi tsambu za mutindu yi mutindu. Twazínga mu khu yi kiphala, twámengwa amana twámengana betu yi betu. 4Kaasi bwosu buweti yi lungongu lwa Tata wetu, Mvulusi wetu, bwamonika, a a v4 Hanga, khumbu «Mvulusi» yisi tela Tata wetu yandi-meni — tuku dya luvulusu, wuna wisi tuvulusa muna nzila ya Mwana wandi amana mu Kitembu kyandi (tsima 5-6). 5wátuhulula, heku kikuma kya mihangu mya masonga mina twáhanga betu, kaasi mu khenda zandi, muna kusukula kwa lubutuku lwa pha yi kukituka kwa pha kwa Kitembu Kyatoma, 6wuna wátunzunzudila yi kimvwama kwena betu muna nzila ya Yesu Kidisitu, Mvulusi wetu, 7hanga, bwosu twákhitulwa batu ba masonga mu khenda zandi, twakituka baswana muna kivuvu kya luzingu lwa mvula yi mvula. 8Ndinga yayi yenina ya kyedika. Yizodini ngeyi watambwasa kya makulu mana, ndangu batu bana basya mbundu mwena Tata wetu, balwenga ndangu badihana mu mihangu mya bukheti. Mana menina mamboti amana ma mupfunu kwena batu boosu.
9Kaasi bwisa phaka za buzoba, ndonga ya butuka, phaka yi ngyuma zitadidi mitsiku, mukuma zisiku sadisa amana za phamba. 10Lwengisa mutu wisi nata ngyengu mu mbala yitheti, kunima mu mbala yikwawu. Kunima dina, kukalaku yi dyambu kwena yandi, 11bwosu wazaya ni mutu wa mutindu meni wayekukini amana musumuki kenina; kisi dibedisa yandi-meni.
Ndinga za tsuka yi mboti
12Tangwa yikútumina Atemasi keti Tisiki kwena ngeyi, sya ngolu wisa kwena meni ku Nikopoli, mukuma yíbonga lukanu lwa kukala kuna mu tangwa dya kyosi. 13Sindikila tswatsu Zenasi nganzi yi Apholosi muna kitambu kya bawu; tala ndangu bakondaku kima kimosi. 14Batu betu phi balonguka kudihana mu mihangu mya bukheti, mu kusadisa babana bisi sanda lusadisu lwa mupfunu, amana bakalaku bakonda kubuta kibundu.
15Boosu bana benina yi meni mboti bakuhekini. Heka mboti kwena bana bisi tutonda mu lukwikilu. Khenda yakala yi benu boosu.
