詩篇 90

90 ¹主宰嘅父啊,你一直係我哋嘅居所, 世世代代都係咁。 ²諸山未曾生出, 大地同埋世界未曾由你造成之前, 從亙古 到永遠,你都係我哋嘅父。

³你使人歸回塵土, 話:「世人哪,你哋要歸回。」

⁴因為千年 喺你眼中好似已經過去嘅一日,又好似夜間嘅一更。 ⁵你好似洪水咁將佢哋沖走; 佢哋好似一場夢,又好似朝晨生長嘅青草—— ⁶朝晨發旺生長,到夜晚就凋殘枯乾。

⁷因為我哋被你嘅怒氣消滅, 又因你嘅忿怒而驚惶。 ⁸你將我哋嘅罪孽擺喺 你面前,將我哋隱藏嘅罪擺喺你面光之中。 ⁹我哋一切嘅日子都喺你嘅忿怒之下過去;我哋度過嘅年歲好似一聲嘆息。 ¹⁰我哋一生嘅年日係七十歲, 若果體力好就到八十歲;但其中不過係勞苦愁煩——轉眼就過去,我哋就好似飛咁走喇。 ¹¹邊個曉得你怒氣嘅權能呢? 你嘅忿怒同人對你應有嘅敬畏一樣咁大。 ¹²求你教我哋數算自己嘅日子, 好等我哋得着智慧嘅心。

¹³我哋嘅父啊,求你回轉!要等到幾時呢? 求你憐憫你嘅僕人。 ¹⁴求你喺朝晨用你立約嘅慈愛使我哋飽足, 好等我哋一生一世都可以歡呼快樂。 ¹⁵求你使我哋歡喜嘅日子,好似你使我哋受苦 嘅日子一樣咁多,好似我哋遭遇患難嘅年歲一樣咁多。 ¹⁶願你嘅僕人 見到你嘅作為,願佢哋嘅子孫見到你嘅榮光。

¹⁷願恩寵, 就係主宰嘅父嘅恩寵,臨到 我哋身上;求你為我哋堅立我哋手所做嘅工——係呀,求你堅立我哋手所做嘅工。