स्तोत्रसंहिता 121

121 ¹मी आपले डोळे डोंगरांकडे उचलतो—माझी मदत कोठून येईल?

²माझी मदत माझ्या पित्याकडून येते, जो आकाश व पृथ्वीचा निर्माणकर्ता आहे.

³तो तुझा पाय ढळू देणार नाही; जो तुझे रक्षण करतो तो पेंगणार नाही. ⁴खरोखर, जो इस्राएलाचे रक्षण करतो तो पेंगणार नाही व झोपी जाणार नाही.

⁵तुझा पिता तुझे रक्षण करतो; तुझा पिता तुझ्या उजव्या हाताकडे तुझी छाया आहे. ⁶दिवसा सूर्य तुला बाधणार नाही, रात्री चंद्रही नाही.

⁷तुझा पिता सर्व अनिष्टापासून तुझे रक्षण करील; तो तुझ्या जिवाचे रक्षण करील. ⁸तुझा पिता तुझे येणे-जाणे यांचे रक्षण करील, आतापासून सदासर्वकाळ.