Colossians miko kelü süho
Paul-e Khrista thino mütü za keku keba rüsa, mu Pü mesakemo süo kemetha mhüra celü rekrisü.
1 1Paul, ha Po medolü Jisu Khrista apostlemi küpü, mu uko züo Timothy mu kha, 2Colossae lü kemesa, Khrista yolü kemelü asazüjürako ce: ha Po celü neko po ngokümüzhe mu kezükeve thite.
Neko Kemelü la Meza
3Ha neko la cho die, ha Niepoo Jisu Khrista Po, ha Po ce pütü metülü meza bayo zo, 4Neko Jisu Khrista yolü kemelü mu kemesako metü la neko kükhrü keba ha sesü ketala, 5Kekrelamori tüyo lü neko la kerede keta meri la, hio neko kethojü, züyiküve lü voketa sepü kola, 6Hio neko ce vorita, neko dolü keta süh bi, cejü metü lü bete mu prarita, neko sesü mu ha Po ngokümüzhe ketho se keta tüsozholüno. 7Neko hio Epaphras, uko kükhrü zü choyi kethimi celü seyi, pü ha dzü Khrista kemelü thevomi küpü, 8mu pü Kemesa Rüpü lü neko kükhrü la ha ce posü.
9Süla, ha sesü tüsozholüno, ha neko la cho kesü mozo kemo, rüpü ketsü jü mütü mu mhaco lü pü medo mhase neko po chu süte mhacho die, 10side neko Niepoo khüko lü lhü süte, pü po mütü ce nüde khiyi, mhatho keve kethi metü lü bete mu ha Po mhase lü prari süte, 11pü zapozale keku lü keku metü sü neko tarho süte, nüde die sügüsühe mu pati metü la, 12ha Po ce meza die, pü neko thatha lü kemesako heshe heve kezayi khüko lü thisü. 13Pü ha mükhrü kede celü lakeyi te, mu pü kükhrü Nuo kede lü ha khode süte, 14püyolü ha rhakeyi, kejovakeyi ngoyi te.
Nuo Mha Metü Kedüva
15Pü ngokemo ha Po hü zo, cejü thiyi metü kedüva nuranu zo. a a v15 Nuo sü thüma püri ngo kebamo Poo ngokümülemülu hü zo — Jisu ce whu süo ha Po dipü la ngoyi te. 16Kekrelamori mha metü püyolü thisü—tüyolü mu cejülü mhako, ngokümoko mu ngokemo, kedebao, kekhayo, kekuko, keneko—mha metü püyolü mu pü la thisü. 17Mu pü mha metü mhüjü bazo, mu püyolü mha metü khrü süde bazo. 18Pü kühu, kehu pi zo. Pü therao zo, kethi lüno nuranu zo, side pü mha metü lü mhüjü ba süte. 19Kekrelamori ha Po pü swukülhu metü Nuo lü ba süte medo küta, 20mu püyolü mha metü püzü de kezüveyi, cejülü mhako mori tüyolü mhako, pü cross za lü kezükeve thisü.
21Voketa neko ha Po celü kerüo, neko mhaselü mhatho la neko lüdolü medo metsu keta. 22Vele süo ha Po Khrista uphokühu lü sa keyi yolü neko züveyi te, neko kemesa, mhapüri zo kemo, mu umezi kemo pü mhüjü lü presa süte, 23neko kemelü lü ketho ba lize, me pokralü mu kushü, neko sepü züyiküve meri celü redeva kemo, tüyo phekhro cejü thiyi metü ce pono, I Paul thevomi küpü thipü kola.
Paul Kehu la Thatha Thipü
24Süo I neko dzü a thatha lü nü, mu a upho lü Khrista kümüthi lü bazolu tsomo la zhochü, pü kühu, kehu saketako la, b b v24 Paul cross zhochü kemo po sü kemo — pü utho uthatha kehu, pü kühu yolü Khrista kelasü mhatho satazü po sü zo. 25I kehu thevomi küpü thipü, ha Po neko dzü I ce tsüpü mhatho yolü: ha Po jü mütü ce pono süte. 26Küra thoce tüko mu tüpho lü küvapü kütako, vele süo pü kemesami ce mese mengo süte. 27Ukoce ha Po hio küra thoce zapozale kene Gentileko dolü mese mengo süte pü chosü, süo neko lü Khrista zo, zapozale meri zo. 28Ha pü ce pono, ketsü jü mütü lü thüma metü ce kri mu kümütha die, thüma metü Khrista lü matu de presa süte. 29Hio la I mhatho thi, ha Po khrühi sü keku metü sü hühü die, süo a lü keku lü mhatho thi keta.
