Babylon celü mhakha pütsü
Babylon celü vori kebakoe Hezekia tikosü, de Hezekiae pü keba mha metü ukoce mekasü. Isaiahe ha Po jü rita—süo metü mu pü nuneko sheri, Babylon lü khiva to zi. Hezekiae jü hio keve zo poti—kekrelamori mekava keta pü choyi tüce thelü tazo. Pü kelakesü hio jü kemo bata.
Ha Po verse hikolü po ba 6–7
39 1Süce, Babylon kedeo, Baladan nu Merodach-baladane, Hezekia mhathi bata süsa sürho ta zi se kesüsa, Hezekia-ce lüsiko mu mhakha pütsü süve. 2Hezekiae unüshu de uko ngoyi, de pü mhazhü keba ki ukoce mekasü—raka, suna, mharü, tirü keve, pü füba metü, mu pü mha kengu kiko metülü keba mha metü. Hezekiae pü ki mu pü kede lü keba mha, mhapüri ukoce mekasü mozo. 3Süsa saju kepo Isaiah, kedeo Hezekia-ce vori de ketso, “Thüma hiko dipü poti, mu uko chodelü celü vori la?” Hezekiae poti, “Chokemecu rünalü, Babylon celü.”
4Pü ketso, “Uko n ki lü mha dipü ngo la?” Hezekiae ukoce poti, “Uko a ki lü keba mha metü ngo. A mha kengu kiko lü keba mhapüri I ukoce mekasü mozo.”
5Süsa Isaiah-e Hezekia-ce poti, “Tüyo paheko Poo jü reni süte:
6Pütüko vori to, süce n ki lü keba mha metü, mu potsaneko mhace kemothe kengu ketako metü, Babylon lü khiva to. Mhapüri khavato mozo, zi ha Po poti. 7N nutho tsücehi, n tsa keyiko sheri, Babylon kedeo pü sheti lü kemeleko thita ketola khiva to.”
8Süsa Hezekiae Isaiah-ce poti, “No kepoo ha Po jü hio keve zo.” Kekrelamori pü, “A rhüh choyi tüce thelü kemenü mu krü bato,” zi lü bata.
