Zion zapozale unithi prarita
Suna müsarita, kedeko tsühi snow ceri kemega kebako tsühi cholü mipüri seyi kemo, melü kemenyü thünokoe meri la uko nuneko khuyi tiva. Saju kepomiko mu kephoma kümo za shedübo keba thevoko mipü mejo po, mu Zion sazho me keva meto süo ha Po lekhu kedi süsü püjü zo zi posü.
4 1Suna dipü hani müsarita, suna kemesa süo dipü hani prarita! Ketsü kemesako cho akelü metülü zhuyi de zütato. 2Zion nuneko püma kerüko, suna kemesa bi püma kerü kebako, tsühi uko le potsa, le kethio be mhatho bi phi tsoyite! 3Sütsüko ri unu nojü tsü de uno nuneko no, vele a thüma nupü melü keshü prarita, cejü kesakolü ostrich tenyü bi. a a v3 Ostrich tenyüko thajü kecükolü uno uthu mu uno nuneko khava la seba bata — uno nuneko ce melü keshü thipü kümha zo. 4Natsimi nuranu meyi thiri la pü ta kebalü mereyita; nuneko tsükhri la mhakhrü, vele thümae uko kha tsümo. 5Themu kemenyü ti kebako tsühi cholü kemethu de zütato; mere keti füne whü kekhakebako tsühi unithilü khrüta. 6A thüma nupü kejo Sodom kephoma ceri zhoku ta, Sodom süo thüma be pü lü thiyimo ri ketsatholü megünyo thiva. 7Pü kedeko snow ceri kemesa, nojü ceri kemega; uthi coral ceri kedi, uzü sapphire bi. 8Tsühi uzü mekho ceri kemenu; cholü uko seyimo. Upho uroko lü lhükrü ta; süo sü bi so krüta. 9Züle la kedokhrikebako meri la kedokhrikebako ceri reyiku ta, uko yiko themu bamoü meri la züsü de kemethu thita. 10A thüma nupü kemedi kebace, melü kemenyü thünoko bee uko nuneko khuyi de uko themu prarita. 11Ha Po pü lekhu metü vosü; pü lekhu kedi süsü de Zionlü me tsosü, süo pü sazho chüta. 12Cejü kedeko melü yimo, cejülü kehü thüma metü ri, tekhrü mori kemelü kesü Jerusalem kharülü vo süto zisü. 13Süo pü saju kepoko kephoma la mu pü thevoko kerhoko la, uko pü dolü kemathomiko thüza mekrü. 14Uko kümülo bi cholü vota, thüza la kemesakümo prari, side thümae uko füneko ni sümo. 15“Tapra te! Mesakemo!” thümako uko ce semeto de poti. “Tapra! Tapra! Tahi ni!” Süsa uko phi de vota, mu shuyeko dolü hiziti poyi ta, “Uko hilü nezho ri saho.” 16Ha Po presa uko zhuyi; pü uko ri phu ri saho. Thevoko thürho tsümo, mehiko chu tsümo. 17Ha mhü mhace kevepü phu de nyü ta; ha phu kebalü celü kelayi su kemo shuye ha phu bata. 18Uko ha phezi phuyi, side ha ha cholü mhathi su kemo. Ha kemethu meno vori, ha nha phi tsoyi, kekrelamori ha kemethu tavota. 19Ha kekripü miko tüyolü keba lüra ceri chorhürhü rüyi shuta; uko ha cejütuko lü kekri, mu cejü kesalü ha tüyi sü phu bata. 20Ha kerhü, ha Po keshüpü mi, uko kecelü tüyi ta— pü püla ha po kesüpü, “Pü kemhü khrilü ha shuyeko dolü ha nezho süto,” zisü. b b v20 "Pü kemhü khrilü" zisüo, Hebrew mi meyilü khrikhro kemhümüo zo; kedeo kemhü khrilü nezho zisüo, pü kezho khrilü nezho zisü kemhümüo zota. 21Rehü de phipha hite, Edom nupü, Uz shuyelü nezho kepü no; vele pü lekhu khü ri noce vorito—no jü kra de züzü tato, mu no mechü thi tato. 22Ne punie tsoyi ta zo, Zion nupü; pü ne tüzüh keta thi süto mo. Vele ne kejo, Edom nupü, pü müjoto; pü ne kephomako mhüngo thi prato.
