Po Kükri
Külaco lamori keprü po kesü, pü kerhüro vori se kesü: zapozale sekemoko ce tsüyo, tüso mepra, pho rükra, mu thüma mi mezalü pü kümümütha hate zisü po kesü. Vele hio keve co va. Neko mhashelü nü thite, mu ha Poe phe metü ngo bazo süo sheyite.
5 1A nuo, a mhashe ce utütso thite; a mhaco türü reniyite, 2side no mhashe münu bayi, mu neko meyi mhase presayite. 3Kekrelamori mha kesu theno meyi celü mükhizü tsüyo, mu pü uta tirü pi mhuyo zo, 4vele külaco pü, therü bi khumezü, zecho uyi keve zesho bi zecho zo. 5Pü phe kesalü sü vayo; pü phe mezalü khita. a a v5 Sheol: hio Hebrew mi jü, kesako cejü za — meza, züno kemongopü cejü za. 6Pü kerhü chode lüsü yomo; pü chode vajo tayo, mu pü süo semo.
7Süna tsüyo, a nuko, i ce reniyite, mu a meyi jü celü tahi thürayite. 8Neko chode pü celü laco bayite, mu pü ki cekha müno tahi vohi, 9motisa no neko zapozale mikekreko ce tsü, mu neko kehü mha kemüjo thüma ce tsüto, 10motisa sekemoko neko keku mele chu, mu neko küpa mhatho sekemo ki lü vato, 11mu neko külaco no panyo tayo, neko tho mu püthi kekalü süce, 12mu no poti, “I methi ngometsü-o, mu a melü tahitarho thathi la! 13I a kemethako fü semo, mu a mütha kezümiko ce münu yomo. 14I kümüsü mhakemeka müno bata, thüma kekro kenguyi dolü-o.”
15Neko jüpra celü jü krate, neko jüfü celü jü mhuyo krate. 16Neko jükezho chode lü prayi, neko jü mhüjü pralü prayi me? 17Süko neko hü nzhü thiyite, mu sekemoko züde tahi thi hite. 18Neko jükezho jopü bayite, mu neko anatsilü theno lü anü thite, 19kekhrü gu, keva gu. Pü kekhrü no tüsonha nü thi küvayite; no pü kekhrü lü tüso khi süyite. 20Süna, a nuo, dipü lamoli no mha kesu theno lü khi süthi, mu mikekre theno netho thi me?
21Kekrelamori thüma chode ha Po meka mhüjülü bazo, mu Pue thüma chode mütü zori thi bayo. 22Kümatho thüma utho küjo kütalü tü tayo, mu pü küphoma kero lü chotsükeyi tayo. 23Pü methi melümo kola kesato; mu pü künyo kekro kola vajo vato.
