Pü Celü Ha Vo Te
Kho tsoyi kethi tsale. David-e.
Tsükünu mi ha Po ki lü vori keta ce, pü phe kharülü tha keta keto ce rechü ta. Nade hihi shuyeko tsoyi kebalü mu kemezi sheco thi kebalü zo, silizo pü kezükeve ce kecho thi, mu utho saketa kemola, vele pü sazüjürako saketa thi zisü po.
122 1Ace, “Ha Po celü ha vote,” zisü kepoko mu I rechü ta. 2Jerusalem, n kharüko lü ha phezi tha zo. 3Jerusalem, kezü kesürhü gu phapü nade bi po thisü. 4Shuyeko tüyo tsoyi, ha Po shuyeko, Israel la thezho bi, ha Po za ce kethezü khasü süte. 5Kekrelamori sülü sheco la kedebao thisü, David shuye kedebao.
6Jerusalem kezükeve la kecho thite: “No khrü ketako relü bayite. 7N sazho lü kezükeve bayite, n citapü lü kemesa bayite.” 8A sazüjürako mu a züko saketa, I “N lü kezükeve bayite” po süto. 9Ha Po ce saketa I n mhakeve phuto.
