Mhakhrelü David Miktam
Tsale thi kefüo ce. 'Dorhü vahite' tsale phi kelü. David suna chele, pü saul celü mhakhrelü tatazü kenalü.
Saul-e pü phu tüce mhakhrelü rezhü die, David uphi mu uco zecho bi keba thümako dolü ba. Tükhrako di tato ceneko pü Po si khro sükhrilü rezhü, süsa tüso nienümo tüce lila mu harp cosü thizo, mha direnyümo bi pü melü rede keta.
57 1Apo, aphimezhe süte, aphimezhe süte, kekrelamori nolü a akhri rezhüyi; neko si khro sükhrilü i rezhüyito, kerekrapü tükhrako di tato ceneko. 2I kerekrüo, a Po ce semeto thito, a rüle pü mharhü thitsüpü ha Po ce.
3Pü tüyolü ketsüto die i küla süto; aphi kethüpü thüma pü mha poto. A Poe pü jütsüjükho kekhrü mu pü kemelü ketsüto. 4A akhri losha dolü bazo; meli khasüpü thümako dolü i züto—uko huko paheko mu tsaküthiko bapü thümako, uko jüko zecho uyipü bazo. 5Apo, tüyo mesoyolü kerekrü süte! Neko zapozale cejü mütülü bate!
6Uko a phecholü khuma güsü. i mhimülo ta. Uko a mhüjülü tekhü prüta, vele uko themu süo lü lütate. 7A melü rede kebazo, Apo, a melü rede kebazo! I tsale thito mu kechu thito. 8A zapozale, co süte! Lilü mu harp, co süte! I tüso cosü thito. 9Niepoo Apo, I thümako dolü no chele süto; I shuyeko dolü no tsale thito. 10Kekrelamori neko jütsüjükho kekhrü tüyo ceneko tsozo, neko kemelü kemhü ceneko tsozo. 11Apo, tüyo mesoyolü kerekrü süte! Neko zapozale cejü mütülü bate!
