Poe Pü hupre kevako nuneko sala kenguyo

Thümako teko bi ceco vayo, kekrelamori uko teko kefüko mu uko cekro therümarheko mha ti sü homo. Ha Po poti, A lekhu teko kefüko ce tovayo; I a kro kekhako ce punieto, Egypt mu Assyria lüno uko sala künguyi to, mu ukoce chu süto, kekrelamori I süko Po zo.

Ha Po verse hikolü po ba 3–12

Kezhü 10.

Latürü tüce ha Po celü türü choyite — tükhra kümhü mhathi kesüo ha Po zo; pü ukoce türü mehü kesüto, thüma metüce yitemi cejülü kemejo khasüto.

Kekrelamori cekro therümarheko kümürü poyo, mu setümiko mhakesu ngoyo; uko ketho kümo umho poyo, mu uko kümüchü tsakhu kesüyo. Süla thümako teko bi ceco vayo; teko kefü bamo la uko dzü kümüzhie yo.

“A lekhu teko kefüko ce tovayo, mu I kro kekhako ce punieto; kekrelamori tüyo paheko ha Poe Pü kro, Judah cekro, phimüzhe mekre süte, mu theri thilü Pü gura kerüo bi süko mhathi süto. Pü celü ukülü tsü küzhoo voto, pü celü reshüba khüpü mha, pü celü theri li, pü celü kekha metü hani voto. ^a Uko hani keku shüpü mha bi thito, theri thilü chode nyoba kedüyo. Uko theri thito, kekrelamori ha Po süko zü ba, mu gurayo ketako kedi thitato.

“I Judah cekro thi kümütü süto, mu I Joseph cekro kela yito. I süko sala voto, kekrelamori a melü süko la anüphiyo, mu I süko melava lebi bamo bi thito; kekrelamori I süko Po zo, mu I süko fü kelato. Süsa Ephraim keku shüpü mha bi thito, mu uko melü kemenüco kralü bi nüto. Uko nuneko süko ngode nüto; uko melü ha Polü u nüto. ‘I süko khiphrade kenguyi to, kekrelamori I süko rede yita, mu therace uko kekro ba bi uko sala kekro thito. I süko thüma kekrolü hupresüba lize ri, cejü rapecolü uko a melü thosüto; uko puko nuneko zü thiyito, mu uko sala retuto. I süko Egypt cejülü sala voto, mu I süko Assyria celü kenguyi to; I süko Gilead mu Lebanon cejüce voto, sügü süko ba kerelü ri bamo thi tato. Uko thomelu jükezholü tavoto; Pue jükezho rüphüko dosü to, mu Nile zhü kerelüko metü jü kedi thito. Assyria tüsonha kürünu thito, mu Egypt keku jü rata to.’ I alü süko thi kümütü süto, mu a zalü uko thiyito, ha Po posü.”