Dokhri ketola metapü kro
Pü Po jü celü Zechoe dokhri ketola methapü kro shephao mhaphrü thisü, pü thü kena, Kenü mu Ngunepü, dochu süta, mu suna thiri la mhaphi, le kethio ce süva. Kenaolü kro mezota mhakeve mo shepha vori.
Ha Po verse hikolü po ba 4–6, 13, 15–17
11 1Lebanon, neko cekha khriyite— me-e neko cetako tiyite! 2Cypres, kra müra süte, kekrelamori cedar retu tazo, zapozale süboko meka vazo! Bashan oakko, kra müra süte, kekrelamori kedi forest vo tazo! 3Reniyite—shepha-ko ukhoro kekhu, kekrelamori uko zapozale meka vazo! Reniyite—losha ketsako kerü, kekrelamori Jordan kümütu meka vazo!
4A Po hihi poti die: Dokhri ketola methapü kro shepha thi süte.
5Uko khri kebako uko dokhri vale püri kemejo bamote; uko zhu kebako poti die, “Jihova chuyite, i mha keta tazo!”—mu uko kepo shepha-e uko ngo phimüzhe mote. 6Kekrelamori i tsüdoce cejü thümako phimüzhe salata mote, ha Po posü. Yhie, i thüma metü—mipü pü celümi be khapü mu pü kedeo be khapü—yo süto; puko cejü guto, mu i uko be celü sopü kelayi mote.
7Süla i dokhri ketola methapü kro shepha thisü, kro dolü kemezhe kropü. I thü kena betasü, mhaco thopü Kenü zita, kekreo thopü Ngunepü zita, mu kro shepha thisü. 8Tekhri mhaco lü i shepha thükü khasü. I uko la sügüsühe mo tasü, mu uko ri ace meshu tazo. a a v8 'Shepha thükü' zipü süko sopü za site sebami bamo; mhakemi lüdo mhaco ri kezü ngoyi mote. 9Süsa i posü die, “I neko shepha thi mote. Kesamiko sa hite, kata ketao süko meka va hite, mu tari kebako-e hunehu upho tati hite.”
10I a thü Kenü betasü de dochu süta, thüma metü zü i thikesü jükho sizisü. 11Süla süo nha dochu süta, mu afü pede keba kro dolü kedimiko-e hihi ha Po jüo za site seyi tazo. 12Süsa i ukoce poti die, “Kemezi za lize, a zhokhro ace tsüte; molize, neko sü khapü.” Süla uko a zhokhro khü süta—seba thiri. b b v12 Hio seba thiri hihi, New Testament-e Jisu be khapü ketola tsü keta presa site cüpü, süo presa zo (Matthew 27:9-10).
13Süsa ha Po ace poti die, “Süo leyopü ce nhi”—uko afü meta kerekrü presa! Süla i seba thiri betasü de ha Po ce lü nhisü, leyopü ce.
14Süsa i a thü kena-pü Ngunepü dochu süta, Judah mu Israel kengomu kezü meka vasü.
15Süsa ha Po ace poti die, “Jüyikevesü shepha kenhipü salata bete.” 16Kekrelamori i cejülü shepha mhaco phü merhü süto, pü kataküzüko vathi moto, preveko phu moto, dochu kesüko sürho moto, kesürhomiko ti moto—vele pü zhe kropü upho tito mu uko phekhro siziva to. 17Kro tata ketao a shepha mveyi kümola thüjü zoto! Dokhri pü boyo mu pü zaco mhiyo tatsü hite! Pü boyo ketekhri rügwi hite, mu pü zaco mhi müzü thi va hite!
