சங்கீதம் 138

138 ¹என் முழு இருதயத்தோடும் உம்மைத் துதிப்பேன்; தேவர்களுக்கு முன்பாக உம்மைப் புகழ்ந்து பாடுவேன். ²உம்முடைய பரிசுத்த ஆலயத்தை நோக்கிப் பணிந்துகொண்டு, உம்முடைய உடன்படிக்கை அன்பினிமித்தமும் உம்முடைய உண்மையினிமித்தமும் உம்முடைய நாமத்தைத் துதிப்பேன்; ஏனெனில் உமது நாமம் அனைத்திற்கும் மேலாக உமது வார்த்தையை உயர்த்தியிருக்கிறீர். ³நான் கூப்பிட்ட நாளிலே நீர் எனக்கு உத்தரவளித்தீர்; என் ஆத்துமாவில் பெலனைத் தந்து என்னைத் திடப்படுத்தினீர்.

⁴பூமியின் ராஜாக்கள் யாவரும், என் பிதாவே, உம்மைத் துதிப்பார்கள்; ஏனெனில் அவர்கள் உம்முடைய வாயின் வார்த்தைகளைக் கேட்டிருக்கிறார்கள். ⁵எங்கள் பிதாவின் வழிகளைக் குறித்துப் பாடுவார்கள்; ஏனெனில் எங்கள் பிதாவின் மகிமை பெரியது. ⁶எங்கள் பிதா உன்னதமானவராயிருந்தாலும், தாழ்மையுள்ளவர்களை நோக்கிப்பார்க்கிறார்; ஆனால் அகந்தையுள்ளவர்களைத் தூரத்திலிருந்தே அறிந்திருக்கிறார்.

⁷நான் இக்கட்டின் நடுவில் நடந்தாலும், நீர் என் ஜீவனைக் காப்பாற்றுகிறீர்; என் சத்துருக்களின் கோபத்திற்கு விரோதமாய் உமது கையை நீட்டுகிறீர், உமது வலதுகரம் என்னை இரட்சிக்கிறது. ⁸எங்கள் பிதா எனக்காகத் தமது நோக்கத்தை நிறைவேற்றுவார்; என் பிதாவே, உம்முடைய உடன்படிக்கை அன்பு என்றென்றைக்கும் நிலைத்திருக்கிறது. உமது கரங்களின் கிரியையைக் கைவிடாதேயும்.