சங்கீதம் 43

43 ¹என்னை நியாயம்விசாரித்து நிர்தோஷியாக்கும், என் பிதாவே, உண்மையற்ற ஜாதிக்கு விரோதமாய் என் வழக்கை நடத்தும்; வஞ்சகமும் அநீதியுமுள்ள மனிதனிடமிருந்து என்னை விடுவியும். ²நீரே என் பிதா, என் அரணானவர். ஏன் என்னைத் தள்ளிவிட்டீர்? பகைவனால் ஒடுக்கப்பட்டு, நான் ஏன் துக்கத்துடன் நடக்கவேண்டும்? ³உம்முடைய ஒளியையும் உம்முடைய சத்தியத்தையும் அனுப்பும்; அவைகள் என்னை வழிநடத்தட்டும்; உம்முடைய பரிசுத்த மலைக்கும், நீர் வாசம்பண்ணும் இடத்திற்கும் அவைகள் என்னைக் கொண்டுவரட்டும். ⁴அப்பொழுது நான் எங்கள் பிதாவின் பலிபீடத்திற்கு, என் மிகுந்த மகிழ்ச்சியாகிய அவரிடத்திற்குப் போவேன்; சுரமண்டலத்தால் என் பிதாவைத் துதிப்பேன். ⁵என் ஆத்துமாவே, நீ ஏன் தளர்ந்திருக்கிறாய்? ஏன் எனக்குள் கலங்குகிறாய்? எங்கள் பிதாவை நம்பியிரு; என் இரட்சிப்பும் என் பிதாவுமாகிய அவரை நான் இன்னும் துதிப்பேன்.