Tala Musadi Wama, Yesu
Musadi wusolama kakalungaku mu balabala amana katólulaku muswangina wafutama, amana kafutamaku tee yikuna masonga matelama. Buna Tata wetu, wuna walembwa thama, kakalunga hanga mukhetu wisi buta. Mu kyadi, musadi wa phofu vava kenina Kiseledi — kazaya mona ni kima, wayibwa byandi, konda muhuludi.
Tata wetu kisi zonza mu mavese 1–4, 6–9, 14–22
42 1«Tala musadi wama, wuna yisi simbidila, wuna yísola, mwena yandi mbundu yama yisi monina tsambu. Yísya Kitembu kyama mwena yandi; amana kwena makanda ma batu kakwisa samuna masonga. a a v1 Mateyo wasongidi ni Musadi yandu wuna wenina yi Kitembu Kyatoma, yandi kenina Yesu kibeni — bwosu wázonza mihowu myami mya kisalu kyandi kya kubelula batu, mu Mateyo 12:18-21. Musadi wa mikunga miya mya Musadi mya Yesaya, yandi kenina Yesu, Kiseledi kya kyedika. 2Yandi kakalungaku, kathútaku ndinga yandi, amana kayukisaku yawu mu balabala. 3Muswangina wuna wafutama kedi, yandi kawutólulaku; amana mwinda wuna musinga wandi wisi lubula mwisi, kawuzímaku. Muna kwikama kakwisa samuna masonga. 4Yandi kálembwaku keti kafutamaku, yi kuna kakwisa sya masonga mu tsi; amana mahata ma yanga mabati hingila malongi mandi.»
5Mana mazimbudi Tata wetu—yandi wuna wáhanga mazilu amana wálambula mawu, wuna wáyalumuna tsi yi bina bituki mu yawu, wuna wisi heka mwela kwena batu bana benina ha thandu yayi amana kitembu kwena bana bisi dyatila mu yawu:
6«Meni, Tata waku; muna masonga yíkutedi; yisimba koku dyaku amana yikúkeba; yikúkhitula bulunda kwena batu, mwini kwena makanda ma batu, 7mu kuzibula mesu ma baphofu, mu kulubula batu ba boloku mu dibulu—bana bavwándanga mu phipha mu nzu ya boloku.
8«Meni, Tata waku; yawu yina khumbu yama; khembu yama yihekaku kwena mukwawu, amana lukumu lwama kwena bifwanisu bya kuseka. 9Tala, mambu ma khulu mábwa, amana bima bya pha buthwena yisi samuna; ku thwala ya kulubuka kwa byawu, yikuzimbwala byawu.»
Yimbilenu Nkunga wa Pha
10Yimbilenu Tata wetu nkunga wa pha, lukumu lwandi tuka ku tsuka ya tsi—benu bana bisi kuluka ku yanga dya mbuta, yi byosu bibasisa yawu, mahata ma yanga yi bisi ba mawu. 11Yambula nganga yi mbanza zandi báthuta ndinga, mahata mana bisi Kedali bazinga mwawu; yambula bisi Sela báyimbila mu kyesi, yambula báthuta ndinga ha thandu ya myongu. 12Yambula bahana khembu kwena Tata wetu, amana básamuna lukumu lwandi mu mahata ma yanga. 13Tata wetu kabati lubuka hanga munwani; hanga yakala wa mvita kabati heka kitya kyandi; kabati kalunga, kabati thuta ndinga ya ngolu, kabati nunga ha thandu ya bambeni bandi.
14Mu tangwa dya thama yíkala dingu; yíkala pyi amana yídikandika. Buthwena yikálunga hanga mukhetu wenina mu misongu mya kubutila; yikáhema, yikátabula moya ha kimosi. 15Yikázanga myongu yi matunda amana yikáyumisa matiti mawu moosu; yikákhitula banzadi mu bisanga, amana yikáyumisa biziba. 16Amana yikánata baphofu mu nzila zina bázayaku; yikábatwadisa mu mikinda mina bázayaku. Yikákhitula phipha ku thwala ya bawu mu mwini, amana nzila za mabulu mu musenzi. Mana mawu mambu yikásala, amana yikábasisaku. 17Bakwisa vutuka ku nima amana bakwisa kwata tsoni lawu—bana bisi sila mbundu mu bifwanisu bya kuseka, bana bisi zimbula kwena bifwanisu bya suwulu: «Benu lwenina banzambi betu.»
Mesu Mana Makamonaku
18Benu bana lwenina tuhuwa, luyuka; amana benu bana lwenina baphofu, lutala, hanga lwamona. 19Nani wenina phofu, kaasi musadi wama, keti kahuwa hanga mbambala wuna yitúma? Nani wenina phofu hanga wuna wenina mu ngemba yi meni, phofu hanga musadi wa Tata wetu? b b v19 Kiseledi kenina haha musadi — batu bana kábokola Tata wetu mu kutila kimbangi kyandi, kaasi bakala phofu yi kahuwa kwena mbokolu yina. Ku thwala muna kapu yayi-meni (mavesi 1-9), Musadi kenina Yesu — Kiseledi kya kyedika kina kisi lungisa mana Kiseledi kafwaniku kulungisa. 20Wámona bima bivudi, kaasi wubitalangaku; matu maku mazibukidi, kaasi wuyukangaku.
21Tata wetu wázola, kikuma kya masonga mandi, mu kuzangula malongi mandi amana kuhana khembu. 22Kaasi baba batu bana bábotolwa amana báyibwa, boosu bázitikwa mu mabulu amana básweka mu maboloku. Bákituka muluta, konda mutu wahulula bawu, bima byabongwa, konda mutu wazimbula: «Vutula!»
23Nani hana kati dya benu kalemvukila mambu mama, kasya matu amana kayuka mana makwisa? 24Nani wáhana Yakobi kwena bana bisi botula, amana Kiseledi kwena bana bisi yiba? Kweku keti Tata wetu, wuna twásumuka kwena yandi? Bazólaku kudyata mu nzila zandi, amana bazólaku kulemvukila malongi mandi. 25Buna ha thandu ya bawu wábaheka kyungila kya khabu zandi amana ngolu za mvita. Yálema ha thandu ya bawu mu zunga zoosu, kaasi bábakulaku; yábayoka, kaasi bábisyaku mu mbundu.
