Yakúkulaku Ngeyi Keti Mbala Mosi
Tata wetu wisi hyula kweti wenina mukanda wa kufwa kwa longu, mu kuzimbula ni kámukulaku batu bandi. Buna musadi wisi zonza: wámpheka lulaka lwa mulonguki kikuma kya bana balembwa, wisi heka nima yandi kwena bana bisi beta, kwena bana bisi vula tsuki za mbunzu, yi kwena metya, konda kusweka mbunzu yandi, wukwikila ni wuna wisi munungisa wenina bela-bela.
Tata wetu kisi zonza mu mavese 1–3
50 1Tata wetu wuzimbudi: «Kweti wenina mukanda wa kufwa kwa longu wa ngudi aku, wuna yámukula? Ho kwena nati, mu batu bana yena yi mfuka kwena bawu, yátekisa ngeyi? Tala, batekisa ngeyi kikuma kya masumu maku, amana ngudi aku bamukula kikuma kya mambu maku mambi. 2Kikuma kya biki, buna yísa, ka mutu ku wákala? Buna yátela, ka mutu ku wákala wa kuvutula? Keti koku dyama dyenina dya khufi mu kulubula? Ho yisiku yi ngolu za kuhulula? Tala, mu kukaya kwama yisi yumisa yanga, yisi kitula banzadi tseki; batsema ba bawu bisi bola kikuma kya kukonda kwa mamba amana bisi fwa kikuma kya kihwinya. 3Yisi vwatisa mazilu ni kaphindi amana yisi mafidinga ni muledi wa kaphindi.»
4Pfumu Tata wama wámpheka meni lulaka lwa mulonguki, hanga yazaya mutindu wa kuzonza ndinga ya kuzyamisa kwena bana balembwa. Suka ni suka wisi nsikimuna, wisi sikimuna kutu dyama hanga yayuka hanga mulonguki. a a v4 Nkunga wa tatu wa musadi mu mukanda wa Yesaya — Yesu wisi zonza hanga Mwana wa bulemvu wuna wisi longuka kwena Tata wandi suka ni suka. Masamu ma mpasi za Yesu masi vutukila mambu mana ku kitakani. 5Pfumu Tata wama wákangula kutu dyama, amana meni yákalaku nkolami; yávutukaku kunima. 6Yáheka nima yama kwena bana bisi beta, amana mataya mama kwena bana bisi vula tsuki za mbunzu; yázwekaku mbunzu yama ku tsoni yi ku metya. 7Kaasi Pfumu Tata wama wisi nsadisa meni; kikuma kya bwabuna yálewukaku; kikuma kya bwabuna yásya mbunzu yama hanga tadi, amana yizayi ni yikwátukaku tsoni. 8Wuna wisi nsongila masonga wenina bela-bela. Nati kazonzisana yi meni? Tutelamenu ha kimosi. Nati wenina mbeni ama? Kakwísa bela-bela yi meni. 9Tala, Pfumu Tata wama wisi nsadisa meni; nati kamfúndisa? Tala, bawu boosu bakúlwakila hanga muledi; tseledi yakádya bawu.
10Nati ha kati dya benu wisi zitisa Tata wetu amana wisi landa ndinga ya musadi wandi? Wuna wisi kangala mu phipha amana wukondi mwini, kasya mbundu yandi muna khumbu yandi amana kasimbidila kwena Tata wandi. 11Tala, benu boosu lwisi kinda mbawu, lwisi simbidila minda mya mbawu: kangalenu mu mwini wa mbawu yenu amana hana kati dya minda mina lwálemisa! Mama meni lwakátambula mu koku dyama: lwakáleka mu minyanga.
