Bingana 30 FHB Father's Heart Bible™

30 ¹Mambu ma Aguli, mwana wa Yake—dilongi. Yakala wuzimbudi: Yilembami, A Tata wama; yilembami, A Tata wama, amana ngolu zama zimanisini. ²Mukyedika, yenina zoba kuluta mu kakala mutu; yisi yi ngangu za mutu ku. ³Yilongukaku ngangu, amana yisi yi kuzaya kwa Watoma ku. ⁴Nani wátombuka ku zilu amana wákulumuka? Nani wákútikisa kitembu mu moku mandi? Nani wávunga mamba mu muledi? Nani wáyidika tselu zoosu za tsi? Khumbu yandi khi, amana khumbu ya mwana wandi khi? Mukyedika, wuzayini! ^a a v4 Aguli kazimbwala nani wásala mambu mama amana khumbu ya mwana wandi khi. Yesu wávutula kingana: «Heku mutu watombuka kedi ku zilu, yuka ni ka wuna ku wakulunga ku zilu, Mwana wa mutu» (Yowani 3:13). Tata kenina yi Mwana. ⁵Mambu moosu ma Tata wetu menina ma kyedika; yandi kenina kibalaka kwena bana bisi dibumbila mwena yandi. ⁶Wuyikaku lwesi ha mambu mandi, kondilo kakukaya amana kakúsongila ni wenina kingumba. ⁷Thinu zodi yikuzimbwala; wunkadidilaku zawu ku thwala ya kufwa kwama: ⁸Katula luvunu yi ndinga za khadi kuna kyana yi meni; wumphekaku kiphutu holo kuvwa; wundisa kaka dipha dina dyenina ndunda yama, ⁹mukuma yuka ni yiyukuta, bulungi yikusuwangana amana yizimbula: «Nzambi nani?» holo yuka ni yenina mu kiphutu, bulungi yiyiba amana yibedisa khumbu ya Nzambi wama. ¹⁰Wutuhunaku musamu musadi kwena pfumu wandi, kondilo kakusinga amana wabwa mu kingyenina. ¹¹Kwena yi mbutukulu yimosi yina yisi singa tata dyawu amana yisi sakumuna ngudi dyawu ku. ¹²Kwena yi mbutukulu yimosi yina yidimweni ni yisema mu mesu mawu, kaasi yisunguluku mu mvindu yawu. ¹³Kwena yi mbutukulu yimosi—mesu mawu ma lulendu lwa lawu, mu kutala kwawu kwa kinaka kya lawu! ¹⁴Kwena yi mbutukulu yimosi yina menu mawu menina mbedi, bitambuku byawu bina mbedi za phoku, mu kuvukula batsukami ha tsi amana batsukami mukati dya batu. ¹⁵Ngwanzi yenina yi bana ba bakhetu bodi: «Mpha» amana «Mpha.» Thinu tatu zisi yukuta lwesi; ziya zisi zimbula lwesi: «Zifwani»: ¹⁶Kalunga, vumu dya kisita, tsi yina yisi yukuta lwesi mu mamba, amana mbawu yina yisi zimbula lwesi: «Zifwani.» ¹⁷Disu dina disi seya tata amana disi lenda zitisa ngudi— bangandwanganga ba sambwa bahela dyawu, amana bana ba bangandwanganga badya dyawu. ¹⁸Thinu tatu zenina za kuyituka kwama kuluta; ziya zisi bakula ku: ¹⁹nzila ya mbembe ku zilu, nzila ya nyoka ha ditadi, nzila ya mwatu mu mbundu ya yanga, amana nzila ya yakala yi ndumba. ²⁰Tala nzila ya mukhetu wa bizumba: kisi dya amana kisi kusula munwa wandi, ²¹Kuna tsi ya thinu tatu tsi yisi zakama; kuna tsi ya ziya yilendaku vibidila: ²²musadi tangwa kakituka kinga, amana zoba tangwa kayukuta madya; ²³mukhetu wakonda lungongu tangwa kakwela ku tsuka, amana musadi wa mukhetu tangwa kavingidila pfumu wandi wa mukhetu. ²⁴Thinu ziya ha tsi zenina bisweki, kaasi zenina yi ngangu za lawu kuluta: ²⁵bidinsyensye byenina kibuka kikonda ngolu, kaasi bisi lumbika madya mawu mu tsungi ya muini; ²⁶bambisi ba matadi benina batu bakonda ngolu, kaasi bisi tunga nzu za bawu mu beti dya bitadi; ²⁷baphasu bakonda mukyamvu, kaasi boosu bisi kwenda va kimosi mu ndonga; ²⁸kibulu kina walenda simba mu moku maku, kaasi kisi monika mu nzu za bathotila. ²⁹Thinu zitatu zisi kwenda bwa lukumu; thinu ziya zisi kwenda bwa kitoku: ³⁰nkhosi, yina yilutini ngolu mukati dya bambisi, yina yisi vutukaku ku manima ya kima kyosu; ³¹tsusu ya yakala yina yisi kwenda mu lulendu, phunda ya yakala, amana mukyamvu wuna wenina yi basuta bandi. ³²Yuka ni wukituki zoba, mu kuditombula ngeyi meni, ho ni wabánza mambu ma mbi, tula koku dyaku ha munwa waku. ³³Mukuma kukama midiki kusi buta mafuta, kukama mbombo kusi buta menga, amana kukama khabu kusi buta matendu.