Ku Biki Wenina?
Kiwayi kya ngolu: Tata wetu bwosu kenina telama kyana tangwa batu ba lulendu bisi nyokuna batsukami mu kuswamana, bazimbula mu mbundu za bawu ni ka mutu ku wisi tala. Musoniki wa mukunga wisi zonza ni Tata wetu wisi tala mawu, amana wisi lomba kwena yandi ni kakitula nsadisi wa bana bakonda batata.
10 1Kikuma kya biki, A Tata wetu, wisi telama kyana? Kikuma kya biki wisi kusweka ngeyi meni mu tangwa dya kiwayi?
2Mu lulendu lwandi, mutu wa mbi wisi nyokuna batsukami lawu; Yambula bana ba mbi bakwatama mu bimeka bina báyidika bawu meni. 3Mukuma mutu wa mbi wisi kuditsikisa mu mana mbundu yandi yisi zola; mukwa lukusu wisi singa amana wisi bwisa Tata wetu. 4Mu lulendu lwandi, mutu wa mbi kasandaku Nzambi; mabanza mandi moosu menina: «Nzambi keku.» a a v4 Dibanza dya mutu wa mbi dina dyasikila — «Nzambi keku» — dyenina luvunu lwa khulu luna lusi zimbula ni Tata wetu wenina kyana holo kakalaku. Lukunga lwalu lusi vutula: Tata wetu wisi mona kyedika, amana wisi lema batu bakonda kikesa. 5Nzila zandi zikalaka kitoku tangwa dyosu; pfundusu zaku zenina ku zilu, kyana ha thandu yandi; wisi seya bambeni bandi boosu. 6Wisi zimbula mu mbundu yandi: «Yinikanaku; tuka mbandu yi mbandu, yikála mona kiwayi ku.»
7Munwa wandi wabasa yi bisibu yi bukamvi yi kuyangisa; ku tsi ya lulaka lwandi mwenina kiwayi yi mambu mambi. 8Wisi zakala mu mutambu bela-bela yi mahata; mu bifulu bya kuswamana wisi honda batu bakasemi, mesu mandi mu kitsweki makala mu kutala batu bakonda kikesa. 9Wisi leya mu kitsweki hanga thambu muna musitu wandi; wisi leya mu kukwata musukami, wisi koka musukami muna wanda dyandi. 10Batu bana wisi kwata banikumunwa, balengalakana; batu bakonda kikesa babwa mu ngolu zandi. 11Wisi zimbula mu mbundu yandi: «Nzambi wázimbakana; wásweka luse lwandi; kamónaku.»
12Telama, A Tata wetu! Thuta koku dyaku; wuzimbakanaku batu ba phasi. 13Kikuma kya biki mutu wa mbi wisi bwisa Tata wetu amana wisi zimbula mu mbundu yandi: «Ngeyi wuhyulaku mukanu wama»? 14Kaasi ngeyi wisi mona kyedika, mukuma wisi bakula kiwayi yi kyadi, ndangu wasimba dyawu mu koku dyaku. Mutu wakonda kikesa wisi kudihana kwena ngeyi; ngeyi wenina lusadisu lwa bana bakonda tata. b b v14 Tata wetu bamuteli haha hanga lusadisu lwa bana bakonda tata — mulemi wa bana bakonda tata. Mbundu yandi yisi yamba batu bana ka mutu mukwawu ku kalenda lema. 15Bula koku dya mutu wa mbi yi wa kayengu; sanda mambu mandi mambi tii wukondi kuwana mawu.
16Tata wetu kenina kyamvu mvula yi mvula yi mvula; bikanda bizíluka mu tsi yandi. 17Ngeyi wisi yuka nzoluka za batu ba phasi, A Tata wetu; kasyamisa mbundu za bawu; kayuka mboti-mboti, 18mu kuzengila mukanu wa bana bakonda tata yi batu bana bayangisa, ndangu batu ba ha tsi babika kutsemuna bweya.
