Kiseledi Wálubuka mu Ngiphiti
Lulubuku lusamunwa fikaka hanga diambu dya khini: yanga dyátala mbala yimosi amana dyátina, Yolutani yávutuka ku nima, myongu myádumuka hanga mikoku mya bayakala. Buna mukunga wusi bahyula — kikuma kya biki lwátina? — amana mvutu yenina Tata wetu mosi, wuna wákhitula tadi kiziba kya mamba.
114 1Buna Kiseledi kálubuka mu Ngiphiti, kanda dya Yakobi mu kikanda kya batu ba ndinga ya kinzenza, 2Yuta wákituka kikumbu kya Tata wetu, Kiseledi luyalu lwandi.
3Yanga dyátala amana dyátina; Yolutani yávutuka ku nima. 4Myongu myádumuka hanga mikoku mya bayakala, mina mya khunda hanga bana ba mikoku.
5Kikuma kya biki, yanga, wátina? Kikuma kya biki, Yolutani, wávutuka ku nima? 6Kikuma kya biki, myongu, wádumuka hanga mikoku mya bayakala? Kikuma kya biki, mina mya khunda, hanga bana ba mikoku?
7Tekita, tsi, ku thwala ya Pfumu Tata, ku thwala ya Nzambi wa Yakobi, 8wuna wákhitula tadi kiziba kya mamba, ditadi tho ya mamba mana makwata lubuka.
