Muna Ngemba Yileka
Kikuma kya mufidisi wa minkunga. Ni bima bya misinga. Mukunga wa Tavidi.
Lusambulu lwa phipha mu kati dya luyamisu lwa batu boosu. Tavidi wisi lomba Tata wandi kamuvutula mvutu, wisi zimbula batu bana bisi mufwisa tsoni balewula luzolu lwa mameni ma phamba, amana wisi zonza ni kyesi kina kahekwa kyisi luta bule yi vinu. Wisi sukila mu kuleka mu talala.
4 1Wamvutula tangwa yikútela, A Tata wama, ngeyi wuna wisi simba masonga mama. Muna kiwayi kyama, ngeyi wámpheka buangu bwa kuvumina; ngyukila khenda amana wayuka lombilu lwama. 2Nate kweti, benu batu, lubalumuna lukumu lwama mu tsoni? Nate kweti lwazóla mameni ma phamba amana lusanda mambu ma luvunu? a a v2 Sela: kidimbu kya musindikila kondilo kya lusambulu muna minkunga; nsongidilu wandi wa kyedika kazayakaniku bukheti, kaasi disongidila ni kidimbu kya kuvunda kondilo musindikila wa ha kati.
3Kaasi zayenu ni Tata wetu wásya mu kingenga mutu wa kwikama kikuma kya yandi meni; Tata wetu wisi yuka tangwa yimútela. 4Lutitima, amana lusumukaku; lusanda mu mbundu zenu hana buangu bwenu bwa kuleka, amana ludyama.
5Lutambika bimenga bya masonga, amana lusya kikwamina kyenu mwena Tata wetu. 6Batu balawu bisi zimbula: «Nati wukatúsongila kima kyabukheti?» Thuta mwini wa mbunzu yaku hana betu, A Tata wetu!
7Ngeyi wásya kyesi kya lawu muna mbundu yama kuluta kina bawu bena kyawu tangwa bule yi vinu dya pha dya bawu byavula. 8Muna ngemba yileka amana yinimba, mukuma ngeyi hika, A Tata wama, wisi nzingisa mu talala.
