ረድኤቴ ከወዴት ይመጣል?
የመዓርግ መዝሙር።
አንድ መንገደኛ አደጋም መስገጃዎችም ወደነበሩባቸው ተራሮች ቀና ብሎ ይመለከታል፤ ረዳቱን ግን ሌላ ስፍራ ያገኘዋል፤ እርሱም ሰማይንና ምድርን የሠራው፣ ፈጽሞ የማያንቀላፋው አብ ነው። ተስፋው ከመንገድ መዳን ሳይሆን በመንገድ መታጀብ ነው፤ መውጣትህና መግባትህ።
ምዕራፍ 121።
121 1ዐይኖቼን ወደ ተራሮች አነሣለሁ፤ ረድኤቴ ከወዴት ይመጣል?
2ረድኤቴ ሰማይንና ምድርን ከፈጠረ ከአባቴ ዘንድ ነው።
3እግርህ እንዲንሸራተት አይተወውም፤ የሚጠብቅህ አያንቀላፋም። 4በእውነት፣ እስራኤልን የሚጠብቀው አያንቀላፋም፤ አይተኛምም።
5አባትህ ይጠብቅሃል፤ አባትህ በቀኝህ በኩል ጥላህ ነው። 6በቀን ፀሓይ አይመታህም፤ በሌሊትም ጨረቃ አይመታህም።
7አባትህ ከክፉ ሁሉ ይጠብቅሃል፤ ነፍስህን ይጠብቃል። 8አባትህ መውጣትህንና መግባትህን፣ ከዛሬ ጀምሮ እስከ ዘላለም ድረስ ይጠብቃል።
