Lusadisu Lwama Lwatuka Kweti?
Dikana dya kutombuka.
Mukangadi wa nzila wisi thuta mesu mandi kuna mongu, kuna kukala phasi yi nzu za banzambi, amana wisi wana lusadisu lwandi kuma kwahika — Tata wandi, Mufwadi wa mazilu yi tsi, wuna kalalaku kilu kana mbala mosi. Lusilu lwenina lwa kukinda, ka lwa kuvengula ku phasi ku: kwenda kwaku yi kwisa kwaku.
121 1Yíthuta mesu mama kuna mongu—kweti kwakwísa lusadisu lwama?
2Lusadisu lwama lwátuka kwena Tata wama, wuna wáhanga mazilu yi tsi.
3Kayambulaku kulu dyaku dyatyelumuka; wuna wukukinda kanimbaku. 4Kyedika, wuna wukinda Kiseledi kanimbaku keti kalalaku kilu.
5Tata waku wukukinda; Tata waku wenina kivula kuna koku dyaku dya kitata. 6Tangwa kakubetaku mu mwini, keti ngondi mu phipha.
7Tata waku kakulunda mu mambu moosu ma mbi; kakinda luzingu lwaku. 8Tata waku kakinda kwisa kwaku yi kwenda kwaku, tuka buthwena yi kuna mvula yi mvula.
