ክብርን ስጡት

የዳዊት መዝሙር።

ነጎድጓዳማ ማዕበል እንደ አብ ድምፅ ይነበባል፤ ከባሕር ተነሥቶ ሊባኖስን አቋርጦ እስከ ቃዴስ ምድረ በዳ ይከተላል — ዝግባዎችን ይሰብራል፣ ምድረ በዳውን ያናውጣል፣ ዋላዎችን ያስወልዳል። በመቅደሱ ውስጥ የሚገባው ብቸኛ ምላሽ አንድ ቃል ነው፤ ክብር።

ምዕራፍ 29።

እናንተ የሰማይ ፍጡራን ሆይ፣ ለአባታችን ስጡ፤ ክብርንና ኀይልን ለአባታችን ስጡ። ^a ለስሙ የሚገባውን ክብር ለአባታችን ስጡ፤ በቅድስና ግርማ አባታችንን አምልኩ።

የአባታችን ድምፅ በውሆች ላይ ነው፤ የክብር አባት ያንጐደጕዳል፤ አባታችን በኀያላን ውሆች ላይ ነው። የአባታችን ድምፅ ኀያል ነው፤ የአባታችን ድምፅ ግርማ የተመላ ነው። የአባታችን ድምፅ ዝግባዎችን ይሰብራል፤ አባታችን የሊባኖስን ዝግባዎች ያደቃል። ሊባኖስን እንደ ጥጃ ያስፈነጥዛል፤ ሲርዮንንም እንደ ወጣት የሜዳ በሬ። የአባታችን ድምፅ የእሳት ነበልባልን ያንበለብላል። የአባታችን ድምፅ ምድረ በዳውን ያናውጣል፤ አባታችን የቃዴስን ምድረ በዳ ያናውጣል። የአባታችን ድምፅ ዋላዎችን ያስወልዳል፤ ደኖችንም ገላጣ ያደርጋል፤ በመቅደሱም ሁሉ፣ “ክብር!” ብለው ይጮኻሉ።

አባታችን በጥፋት ውሃ ላይ በዙፋኑ ተቀምጧል፤ አባታችን ለዘላለም ንጉሥ ሆኖ በዙፋኑ ተቀምጧል። አባታችን ለሕዝቡ ኀይልን ይስጥ! አባታችን ሕዝቡን በሰላም ይባርክ!