Em Mîna Yên Ku Xewnan Dibînin Bûn
Strana Hilkişînê.
Sirgûnên vedigerin dibêjin ku vegera malê wek xewnek hat û devên wan bi kenan tije kir — paşê ji Bavê me zêdetir vegerandinê dixwazin, mîna çemên ku vedigerin Negevê. Soza niha ev e ku yên bi hêstiran diçînin, gidîşên genim hilgirtî vedigerin malê.
126 1Gava Bavê me bextewariya Siyonê vegerand, em mîna yên ku xewnan dibînin bûn. 2Hingê devên me bi kenan tije bûn, zimanên me jî bi qîrînên şahiyê; hingê di nav miletan de hate gotin: “Xudan ji wan re tiştên mezin kirine.” 3Bavê me ji me re tiştên mezin kirine; em bi şahiyê tije bûne.
4Ya Bavê me, bextewariya me vegerîne, mîna çemên li Negevê. a a v4 Negev çola ziwa ya başûrê Îsraêlê ye. Li wir piştî baranan newalên vala ji nişka ve bi avê tije dibin. Ev wêneyê rewşeke ku di kêliyekê de serûbin dibe ye. 5Yên ku bi hêstiran diçînin, wê bi qîrînên şahiyê bidirûn. 6Kesê ku bi girî derdikeve, kîsê tovan hilgirtî da ku biçîne, bê guman wê bi qîrînên şahiyê vegere malê, gidîşên genim hilgirtî.
