Zinarê Min, Bêdeng Nemîne
Ya Dawid.
Tirsa Dawid bêdengî ye: heke Bavê wî, Zinarê wî, bersivê nede, ew êdî di nav miriyan de ye. Ew dixwaze ku bi mêrên ku bi peyvên dostane dipeyivin lê xerabiyê vedişêrin re neyê kişandin. Di nîvê duayê de tê bihîstin, û dua dibe spas.
28 1Ya Bavê min, ez gazî te dikim; Zinarê min, xwe li min ker neke, çimkî heke tu li hember min bêdeng bimînî, ezê bibim wekî wan ên ku dadikevin çalê.
2Dengê lalûyên min bibihîze, gava ez ji bo alîkariyê gazî te dikim, gava ez destên xwe ber bi Pîrozgeha te ya pîroz ve bilind dikim.
3Min bi xeraban re ranekişîne, bi wan ên ku xerabiyê dikin re, yên ku bi cîranên xwe re bi dostanî dipeyivin, lê di dilê wan de xerabî heye. 4Li gorî kirinên wan heqê wan bide, li gorî karên wan ên xerab; li gorî karê destên wan heqê wan bide; tiştê ku layiqê wan e li ser serê wan vegerîne. 5Çimkî ew qet guh nadin karên Bavê min, ne jî karê destên wî, ewê wan hilweşîne û tu carî wan ava neke.
6Bila Bavê me pîroz be, çimkî wî dengê lalûyên min bihîst. 7Bavê min hêz û mertalê min e; dilê min xwe dispêre wî, û ez alîkarî distînim. Dilê min ji şahiyê difire, û ez bi strana xwe spasiya wî dikim.
8Bavê min hêza gelê xwe ye; ew keleha rizgariyê ya mesîhê xwe ye. 9Gelê xwe xilas bike û mîrasa xwe pîroz bike; şivantiya wan bike û her û her wan hilgire.
