Ana Chi Masaakha
Kaiwui laa akha. Solomonwuina.
Solomonwuina kakhonkhavai ngachāi kasa mathāngkhavai. Shim kasāa, kharakhamayo kala ningkhanaia ngaronsha kasāa saikora ithumwui Avāwui maleimanglā eina sāmung, a ali leikashibingli kaje mikhami. Naobing chi pangli mikhami kakhomi da hāng, sāsoma kakhui mawui.
127 1Ithumwui Avāna shim masaakha, shim kasābingna aremali khananghaira. Ithumwui Avā keinung chi mayonkhame maleiakha, khamayona china aremali ngavaipamhaira. 2Nana ngathorthakva̱ thuida, zingyinlam eina tangda kakharomda, malungringda khamangwui kashakazā zā chi aremana; kaja ana awui leikasheli kapi mi.
3Naongarābing chi ithumwui Avāna khami shimluina, naopamwui athei chi sāmanna. 4Nganuilakhawui naongarābing chi raimiwui pāngli malā kathāna. 5Awui malākhong chi chibing eina chipe kahai mi china sokhami ngasāranu! Ngaveili awui yangkashebing eina hāng tharan ana kakhayak masamphang ngasakmara. a a v5 Keinung ngavei chi mibing hokhuiserda khayonkhamāng bichar kala mi ngachaiwui pongbing sāshunghaipam apam akhana — naomayara kachungkha leiwui khamayā chi chiwui pamli na khalattawui vang kapinga ngachonmibing leiwuina.
