ఆయన కట్టనిదే
యాత్రల కీర్తన. సొలొమోను రచించినది.
నిన్ను నీవు అలసిపోయేలా చేసుకోవద్దని సొలొమోను హెచ్చరిక. కట్టేవాడు, కావలికాసేవాడు, ఆత్రుతతో పెందలకడ లేచేవాడు — తనకు ప్రియమైనవారికి నిద్ర ఇచ్చే మన తండ్రి లేకుండా వీరందరి శ్రమ వ్యర్థమే. పిల్లలు సంపాదించిన ఘనతగా కాక అప్పగించబడిన బహుమానంగా పేర్కొనబడ్డారు.
127 1మన తండ్రి ఇంటిని కట్టనిదే, దాని కట్టువారు వ్యర్థముగా కష్టపడుదురు. మన తండ్రి పట్టణమును కాపాడనిదే, కావలివాడు వ్యర్థముగా మేల్కొని ఉండును. 2మీరు వేకువనే లేచి, ప్రొద్దుపోయే వరకు మేల్కొని ఉండి, చింతాక్రాంతమైన కష్టపు ఆహారమును తినుట వ్యర్థమే; ఏలయనగా ఆయన తన ప్రియునికి నిద్రను దయచేయును.
3పిల్లలు మన తండ్రి నుండి వచ్చు స్వాస్థ్యము, గర్భఫలము ఒక బహుమానము. 4యౌవనమందు కలిగిన పిల్లలు యోధుని చేతిలోని బాణములవలె ఉన్నారు. 5తన అంబులపొదిని వాటితో నింపుకొను మనుష్యుడు ధన్యుడు! అతడు గవినియొద్ద తన శత్రువులతో మాటలాడునప్పుడు సిగ్గుపడడు. a a v5 పట్టణ ద్వారము న్యాయ వివాదములును సమాజ విషయములును పరిష్కరించబడు బహిరంగ వేదిక — అనేకమంది కుమారులు ఉండుట అనగా అక్కడ మీ పక్షమున బలమైన న్యాయవాదులు ఉండుట.
