Pue Thi Kemosa
Tasü kevo tsale. Solomon püo.
Solomon utho rhokrü thi tahite zisü kejo kesu. Cethoko, khü kebao, mu küshüh tasü de kümüzhe kebao metü, ha Po kemolize tükhralü mha thiyo; Pue pü kedakeyiko ce zü tsüsü. Nuneko hihi zü thi mhako bi kepo, utho mha celü renu kesü be kemola.
127 1Ha Po-e ce thi kemosa, cethokoe tükhralü mhatho thiyo. Ha Po-e nade khü kemosa, khü kebao tükhralü füla bayo. 2Neko küshüh-o tasü de tüsozho kemothe ba, kehokero mhatho thi kha tiba hio tükhralü bayo; kekrelamori pü kedakeyiko ce zü tsüsü.
3Nuneko hihi ha Po celü zü thi mhako zo, nobu se hio zhokhro zo. 4Somi be lü me bi, pü natsilü nuneko süo bizo. 5Süko-e pü me ketsü swüpü keba thüma hihi thejo kepütho zo! Pü ngomuko zü cekhalü po kezüce, pü menga tamote. a a v5 Nade cekha hio thüma mütü vori künguyi thelü thi, zono süko mu thüma khrokhuo mha süko sülü süpra kesü zo — thepumi kükro keba thüma hihi, pü thevoo lü kükumi khrepelomi kükro keba ziba zo.
