Kereshüce thi tütselü Tsale
Tsale. Cekro kereshüce thi tütselü tsale. David yo.
Phü mesüce reshü kerekrü lano lesi. Davide mha keve ba tüce 'i keku pü redeva molho' de pü seyi, süsa pü Po mhüjü kevapü vorita de süsührho de poyo. Cejüe No chu yi kemola de pü jüzo, mu gakhrofü celhü va die kenü zü khi süva de thelazo.
30 1A Po, I No kerekrü süto, kekrelamori Noe i phü mesüsü die a ngomuko i yo unüphi thiva moketa.
2A Po, I No ce khrühice semeto cho die, Noe i thi mesürho süta. 3A Po, Noe a khri meza celü phü mesüta; Noe i rhüyi ketao thi die, retu tekhülü i lho moketa.
4Ha Po ce tsale thiyite, neko pü kemelümiko, die pü kemesa za ce zapo thiyite. 5Kekrelamori pü nümo sütü süo lü tayo, vele pü kenü tütse metü tayo; tüzü metü kra bazo, vele küshülü nü vorito.
6I thishühthi bazo seyi lize, I poti die, “I keku pü redeva molho.” 7A Po, N kenüce Noe a cejütu laba sü thiva; vele Noe N zü müta lize, i thükri thita.
8A Po, I No ce cü cho; Niepoo Po ce i phimezhece rüdata: 9“I kemekreta lize, i retu tekhülü lho lize, dipü pra ngoyi ta? Cejüe No chu yiveta? Pü N kemelü po mese yiveta? 10A Po, i fü süte, die i yo phimezhe süte; A Po, a khrühi thiyite.”
11Noe a thükri nasü po thiva; Noe a gakhrofü celhü va die, kenüce i khi süva, 12side a melüe N chu tsale thi die kemekre mote ketola. A Po, I No ce kechothe zapo süto.
