Bakhetu yi Bayakala Badizitisaka Benu yi Benu
Mitsiku kwena bakhetu yi bayakala misi talala ha kuzitisa mosi-mosi yi kitembu kya talala kina kyenina kya thalu ku mesu ma Tata wetu, ni ndongisila ni kulewula kusi kakidila malombilu. Buna nzu yosu: sakumunenu mu fulu kya kuvutula mbi, kalenu bakubama mu kuzonzila kivuvu kyenu mu ndembamu, amana sungamenu ni Kidisitu wámona phasi kikuma kya batu bakondi masonga.
3 1Phila mosi, bakhetu, lemvukenu kwena bayakala benu, hanga ata ndambu balembwa lemvuka ndinga, bawu banungama konda ndinga, mu nzila ya khadidi ya bakhetu ba bawu, 2mu kumona khadidi yenu ya kasemi yi ya bweya. 3Phisi yenu yikalaku ya phenza kaka—kudihanda tsuki, bilunga bya wolu, miledi mihiti thalu. 4Kaasi yikala mutu wa kitsweki wa mbundu, disongidila phisi yina yisiku nikana ya kitembu kya talala yi kya ndembamu, yina yenina ya thalu ku mesu ma Tata wetu. 5Mukuma phila meni yi bakhetu ba bukheti ba khulu, bana básya kivuvu mwena Tata wetu, bakala disema, mu kulemvuka kwena bayakala ba bawu, 6bwosu Sala kálemvukila Bulahami, mu kumuboka pfumu. Amana benu lwakhitukini bana ba yandi, yuka ni luhanga mamboti, konda kuyuka bweya kyosu.
7Bayakala, phila mosi phi, zingilenu yi bakhetu benu mu ngangu, mu kuzitisa mosi-mosi bwosu nzungu yina yazoka lawu, amana bwosu baheka va kimosi khenda ya luzingu, hanga malombilu menu mabwilaku khakalakanu.
Kikanda Kina Kisi Sakumuna
8Ku tsuka, benu boosu, kalenu yi mbundu yimosi, kalenu yi kyadi benu yi benu, zolenu benu yi benu bwosu baphangi, kalenu yi mbundu ya kyadi, amana ludikulumuna. 9Luvutulaku mbi mu mbi, keti ngusi mu ngusi, kaasi lusakumunakenu kaka—kikuma kya kyakina lwábokwa, hanga lwaheka kizika kya lusakumunu. 10Mukuma, «Wuna wazodi zola luzingu, amana kamona bilumbu bya mboti, kakeba luluma lwandi ku mbi, amana malebu mandi ku kuzonza bukamvi. 11Kakatuka mu mbi amana kahanga mamboti; kasosa ngemba amana kayilanda. 12Mukuma mesu ma Pfumu wetu menina hana batu ba masonga, amana makutu mandi mákanguka ku malombilu ma bawu, kaasi luse lwa Pfumu wetu lwenina kimbeni yi babana bisi hanga mbi.»
13Buthwena nani wulenda kuluheka phasi, yuka ni ludihanini mu kuhanga mamboti?
14Kaasi yuka ni lunyokuka kikuma kya masonga, benu ba lusakumunu. Luyukaku bweya bwa bawu, amana lunikanaku. 15Lusungika Kidisitu hanga Pfumu mu mbundu zenu. Lukalaka bayilama tangwa dyosu mu kuvutula kwena mutu wosu wuna wisi luyuvula kikuma kya kivuvu kyenu, kaasi yi ndembamu yi luzitu. 16Lukeba mbundu yenu yikala ya kasemi, hanga muna tangwa baluhuna musamu, babana bisi tukwana khadidi yenu ya mboti mwena Kidisitu bakwatuka tsoni. 17Buluti kunyokuka kikuma kya kuhanga mamboti, yuka ni bwabu bwenina luzolu lwa Tata wetu, ku kuluta kunyokuka kikuma kya kuhanga mbi. 18Mukuma Kidisitu yandi phi wányokuka mbala yimosi kikuma kya masumu, mutu wa masonga kikuma kya batu ba kondi masonga, hanga katunata kwena Tata wetu—wáhondwa mu nitu, amana wákituka moya mu kitembu, a a v18 Kidisitu wányokuka heku mu kutusisa kyana, kaasi mu kutunata boosu tii yi ku nzu kwena Tata wetu — diadi dyenina tsuka ya Musamu wa Bukheti. 19Muna kyawu yandi phi wáyenda amana wásamuna kwena bitembu bina bikala mu boloku, b b v19 Batu basi phaka kikuma kya «bitembu bina bikala mu boloko» ni bawu nani; mbedi ni bitembu bina byábwa, byatuka mu tangwa dya Nowa. 20bana bákolama thama, bwosu Tata wetu kakala hingila yi kikwamina mu bilumbu bya Nowa, buna nzasa yakala tungama, muna kyawu ndambu ya batu—batu nana—bálubwakila mu masa. 21Mbotukulu yina yifwanani yi kyakina, buthwena yisi luhulula benu phi—heku mu kukatula mvindu ya nitu, kaasi mu kulomba kwena Tata wetu mbundu ya mboti—mu nzila ya lufutumuku lwa Yesu Kidisitu, 22wuna wákota ku zilu, amana wenina ku kitata kya Tata wetu, amana banzyo, biyeka yi ngolu byenina mulemvukila.
