Asidodi Dyabwa kwena Asili
Tata wetu wuzimbudi mwena Yesaya ni kawomuna tsaki yandi yi tsabatu amana kakangala kikhonga, konda tsabatu, mvula zitatu—kidimbu kya moya kya batu ba boloku bana banatwa matako. Dyadi ditadidini kivuvu kya Yuta mu bandiaku bina bakala kuditsikisa. Batu ba ha simu dya mbu bakuyuvula buna balenda tina.
Tata wetu kisi zonza mu mavese 2–6
20 1Muna mvula yina tudibeni wa mbuta, wuna wátuma kwena Sagoni kyamvu wa Asili, wísa ku Asidodi, wánwana yi dyawu amana wákwata dyawu.
2Muna tangwa dina Tata wetu wázimbula mwena Yesaya mwana wa Amosi: «Womuna tsaki muna mbunda yaku amana womuna tsabatu muna malu maku.» Yandi wáhanga bwabuna, amana wákangala kikhonga, konda tsabatu. 3Amana Tata wetu wuzimbudi: «Bwosu musadi wama Yesaya kakangala kikhonga, konda tsabatu, mvula zitatu, hanga kidimbu yi kiphadi kwena Ngiphiti yi Kusi, a a v3 Kusi khumbu ya khulu ya kinzunga kina buthwena kyenina mu Sudani yi mu nodi ya Etshiyopiya. 4buna kyamvu wa Asili kakunata batu ba boloku ba Ngiphiti yi bakangadi ba Kusi, batoku yi binunu, kikhonga, konda tsabatu, matako ha tseki, mu kusengumuna tsoni ya Ngiphiti. 5Amana bakútoluka yi bakúkwatwa tsoni mukuma kya Kusi, kivuvu kya bawu, yi Ngiphiti, dina bakala kuditsikisa. 6Muna kilumbu kina, batu ba kinzunga kyaki kya ha simu dya mbu bakúzimbula: “Talenu mana máhita yi kivuvu kyetu, kuna twátinina mu kwenda sanda lusadisu, hanga twáhuluka kwena kyamvu wa Asili! Abweti tulenda kutina?”»
